Wata hanya mafi kyau da iyaye za su iya sa yaransu su sami hikima daga Allah ita ce, su taimaka musu su amfana a taron ikilisiya. Abin da yara suka gani, suka ji kuma suka faɗa a kalaminsu a taro, za su iya taimaka musu su koya game da Jehobah kuma su zama abokansa na kud da kud. (M.Sh 31:12, 13) Idan ku iyaye ne, ta yaya za ku taimaka wa yaranku su amfana daga taro?

• Ku yi ƙoƙari ku riƙa halartar taro a Majamiꞌar Mulki.—Za 22:22

• Ku yi ƙoƙari ku riƙa cuɗanya da ꞌyanꞌuwa a Majamiꞌar Mulki kafin a soma taro da kuma bayan an tashi.—Ibr 10:25

• Ku tabbata cewa kowa a iyalin yana da littattafan da za a yi amfani da su a taro

• Ku taimaka wa yaranku su shirya kuma su yi kalami da kansu.—Mt 21:15, 16

• Ku riƙa maganar da ta dace game da taronmu da kuma umarnan da ake ba mu

• Ku taimaka wa yaranku su riƙa yin ayyuka kamar share Majamiꞌar Mulki da kuma yi magana da tsofaffi a ikilisiya

Taimaka wa yaranku su kusaci Jehobah ba ƙaramin aiki ba ne kuma a wasu lokuta, zai iya sa mutum ya ji kamar ba zai iya ba. Amma Jehobah zai taimaka muku.—Ish 40:29.

KU KALLI BIDIYON NAN IYAYE, KU DOGARA GA TAIMAKON JEHOBAH, SAI KU AMSA TAMBAYOYI NA GABA:

• Yaya gajiya ta shafi Zack da Leah?

  Rubuta amsa

• Me ya sa iyaye suke bukata su dogara ga Jehobah?

  Rubuta amsa

• Ta yaya Zack da Leah suka dogara ga Jehobah don su yi nasara?

  Rubuta amsa