Njira nguma omu njira zinja abazere bakarhabala mw’abana babo yi bagwarha obwengehe burhengere emwa Mungu, kuli kubarhabala bayunguke n’embuganano ze Chikristu. Eby’emisole enabona, enayunva n’ebi banaderha omu bishubizo byabo oku mbuganano byakabarhabala bayige oku bilolere Yehova n’okuba bera bage ba hofi. (Kum 31:12, 13) Akaba oli muzere, gurhe wakarhabala omwana wawe ayunguke bwenene oku mbuganano?

• Ojire okwawe koshi y’ogera oku mbuganano za masu oku masu.​—Zb 22:22

• Orhole akasanzi k’okuganira na bene-berhu oku Chumbi ly’Obwami omu kubahira omurhima embere n’enyuma w’embuganano.​—Ebr 10:25

• Ochizere oku buli muntu omu mulala gwawe agwerhe ebitabu rhwayigamo oku mbuganano, bibe by’echielektronike changwa by’amakaratasi

• Orhabale omwana wawe arheganye ebishubizo omu binwa byage-byage.​—Mt 21:15, 16

• Oderhe bwinja oku biyerekere Embuganano n’obwerekezi rhunapatako

• Orhabale abana bawe bakole oku kasi koshi-koshi nk’okukwiza Echumbi ly’Obwami n’okuganira haguma n’abakala bashajire bali omu chibaga

Okurhabala abana bawe bayorhe hofi-hofi na Yehova bihemere kasi kanene, hali n’amango byakabonekana nka bikomere okujira ntyo. Aliko, wakaba sire oku Yehova akurhabala.​—Isa 40:29.

MULOLE EVIDEO BAZERE, MULANGALIRE YEHOVA N’EMISI YAGE, MUJE MWASHUBIZA KW’EBILA BIBAZO:

• Bichi omuluho gwalilerhere Zack na Leah?

  Your answer

• Bulagurhe abazere bakwanene kulangalira Yehova yibapata emisi?

  Your answer

• Mu njira zihe Zack na Leah baliyerekene oku balangalire oburhabale bwa Yehova?

  Your answer