Ib txoj ke cov ua niam ua txiv pab tau cov me nyuam ua haum Yehauvas siab yog kom cov me nyuam muaj kev koom tes hauv lub koom txoos. Tej uas cov me nyuam pom, hnov, thiab teb tom koom txoos yuav pab tau lawv kawm txog Yehauvas thiab nrog nws sib raug zoo. (2 Kevcai 31:12, 13) Cov ua niam ua txiv yuav pab cov me nyuam li cas, lawv thiaj khaws tau tej uas lawv kawm tom koom txoos?

• Rau siab ntso mus koom kev sib txoos tim ntsej tim muag.​—Phau Ntawv Nkauj 22:22

• Tuaj kom ntxov, nyob kom lig, thiaj tau nrog cov kwv tij nkauj muam sib txuas lus txhawb zog.​—Henplais 10:25

• Txawm yog yuav kawm hauv phau ntawv los sis hauv lub twj ntawm tes, txhua tus hauv tsev neeg yuav tsum muaj phau ntawv uas kawm rau txoj kev sib txoos

• Pab nej cov me nyuam sau seb lawv xav teb li cas tom kev sib txoos.​—Mathais 21:15, 16

• Tham txog tej yam zoo uas nej kawm tau tom kev sib txoos

• Txhawb nej cov me nyuam pab tu Tsev Nceeg Vaj thiab mus nrog cov laus hauv lub koom txoos tham

Yeej yuav siv dag siv zog los cob qhia nej cov me nyuam kom txav ze tau rau Yehauvas, thiab tej thaum yuav tsis yooj yim. Txawm li los tso siab plhuav tias Yehauvas yuav pab nej.​—Yaxayas 40:29.

SAIB ZAJ YEEB YAJ KIAB COV NIAM COV TXIV TSO SIAB PLHUAV RAU YEHAUVAS, TOM QAB SAIB TAG TEB COV LUS NUG NO:

• Qhov uas Zeb thiab Lias nkawd sab sab ua tau li cas rau nkawd?

  Lub teb

• Vim li cas cov ua niam ua txiv yuav tau vam khom Yehauvas lub dag zog?

  Lus teb

• Zeb thiab Lias tso siab tias Yehauvas yuav pab nkawd li cas?

  Lus teb