UNSER KRISTLICH LEEPE
Eltere — Heleft ayre khiner Kot sayn kluucheet kriin
Eene fon te peste aate wii ti eltere khene sayn khiner helfe Kot sayn kluucheet kriin, is fer tëne tsayche wii se khene peste nutse fon te fersamlunge hon. Ales was ti yunge in te fersamlunge siin, heere un in sayn komentaare xpreche, is een aat fer iwer Yeehoowa lërne un tëm sayn fraaynte wëre. (Teut. 31:12, 13) Wëns tuu papa orer mama pist, wii khanst tuu tayn khint helfe nutse fon te fersamlunge kriin?
-
Mach tayn pestes fer ti fersamlunge perseenlich kuke. (Psal. 22:22)
-
Hool tsayt foer un noo ti fersamlunge fer mit te priiter un xwestere im Raych Saal fertseele. (Hep. 10:25)
-
Say sicher tas yeete eene fon te familye ti puplikatsyoone fon te fersamlunge in papier orer tixitaal hot.
-
Helf tayn khint een antwort in sayn aychne wërter foer perayte. (Mat. 21:15, 16)
-
Xprech kuut iwer ti fersamlunge un iwer was mer tat lërne.
-
Tuu tayn khiner uf muute in etliche aktiwiteete mit helfe wii te Raych Saal sauwer mache un mit te elter priiter fon te kemaynt fertseele.
Ti khiner helfe Yeehoowa sayn fraaynte wëre, ferlangt fiil aanxtrengung, un als mool, khene ti eltere tenke tas se net ti kraft hon fer tas mache. Awer teyer khent aych sicher sin tas Yeehoowa aych heleft. (Isa. 40:29)
KUK TE WIITEO ELTERE, TRAUT UF YEEHOOWA UN UF TËM SAYN KRAFT. NOCHTER, TUU ANTWORTE:
-
Wayl ti eltere fom wiiteo sich miit kexpiirt hon, wii hot tas tëne sayn leepe petrof?
-
Warom sole ti eltere Yeehoowa sayn hilef ferlange?
-
In was fer aate hon ti eltere fom wiiteo uf Yeehoowa ketraut, un wii hot tas tëne keholef?
