I EJATAL TU AYKOL KʼAL A CRISTO
A tsakámil jayej in éjtowal kin koʼoy i tsalpadhtaláb
Max tatáʼ a léʼ abal a tsakámil kin koʼoy an tsalpadhtaláb axi in binál a Jehová, ka tólmiychik abal kin kanchij yan in alwáʼ an tamkuntaláb. Patal jawaʼ an tsákamchik kin atsʼaʼ ani kin tsuʼuw ti tamkuntaláb, ani jayej an comentarios axi jajáʼchik kin bínaʼ, neʼets ka tólmiyat abal kin exlaʼchik más a Jehová ani kin jaʼúbnaʼ (Dt 31:12, 13). Pero, ¿jantʼiniʼ a éjtowal ka tólmiy a tsakámil abal kin kanchij in alwáʼ an tamkuntaláb?
-
Ka tsápnanchij kit kʼalej ti tamkuntaláb (Sl 22:22).
-
Ka tsápnanchij abal a tsakámil kin tʼilmay an epchalchik okʼxidh ka tujey an tamkuntaláb o tam ka taʼpan (Heb 10:25).
-
Ka tʼajaʼ ti kwéntaj abal patal a yanél kin koʼoy an publicaciones axi neʼets ka eyan ti tamkuntaláb.
-
Ka tólmiy a tsakámil abal kin tʼojojoy i comentarios axi kin ólnaʼ kʼal in kwetém káwintal (Mt 21:15, 16).
-
Ka tʼilchij a tsakámil jaleʼ ti lej alwaʼ ku kʼalej ti tamkuntaláb ani ka ólchij jantʼoj i exobnál tanáʼ.
-
Ka kanatbédhaʼ a tsakámil abal kin léʼnaʼ ti tolmix ti tamkuntaláb, ejtíl abal ka tʼokedháj an Atáj Tamkuntaláb ani abal kin tólmiy an epchalchik axi payeblábits.
Tatáʼ a kwaʼal yan i tʼojláb abal ka tólmiy a tsakámil ka utey kʼal a Jehová ani walám junchikíl a atsʼál kʼibat. Pero yab ka ukʼchiy abal a Jehová etsʼey neʼets ti tólmiy abal ka putuw kʼal a uchbíl, yab neʼets ti jilaʼ kwetém (Is 40:29).
TALBÉL TA TSUʼÚMAL AN VIDEO KA LEJ BELAʼCHIK ABAL A JEHOVÁ NEʼETS TI PIDHAʼ I TSAPLÁB, KA TÓKʼTSIY AXÉʼCHIK XI KONOWIXTALÁB:
-
¿Jantʼiniʼ ti tejwaméj abal a Miguel ani a Lidia kʼwájatakits ti lej tsekel?
-
¿Jaleʼ ti an tatalábchik in tomnál kin konchij a Jehová abal ka pidhan i tsapláb?
-
¿Jantʼiniʼ ti a Miguel ani a Lidia in jílaʼchik abal ka tólmiyat más kʼal a Jehová?
