One of da bes tings parents can do so dea kids do wat Jehovah like is fo help dem get da most outa da meetings. Cuz eryting da kids see, hear, an tell at da meetings is how dey going learn about Jehovah an come tight wit him. (Rules 31:12, 13) If you get kids, how you can help dem get all dey can outa da meetings?

• Do yoa bestes fo be dea in person.​—Songs 22:22

• Give enuff time befoa an afta da meeting fo talk story an hang out wit da braddahs an sistahs.​—Heb 10:25

• Make shua erybody in da ohana get dea own meeting books, eidda paypa o digital kine.

• Help yoa kids make ready one ansa in dea own words. ​—Mat 21:15, 16

• Talk good kine about da stuff we learn an hear at da meetings.

• Kokua yoa kids fo clean da Meeting Place an wala’au wit da olda ones in da local hui.

Garans take plenny work fo help yoa kids come tight wit Jehovah, an sometimes feel like you no can do um. But no worry, Jehovah got yoa back.​—Isa 40:29.

WATCH UM DA VIDEO PARENTS, TRUS JEHOVAH GOING GIVE YOU DA POWA, AN DEN ANSA DESE QUESTIONS:

• Wat was happening to Zack an Leah cuz dey was supa tired?

  Yoa ansa

• How come parents gotta trus dat Jehovah going give dem da powa?

  Yoa ansa

• Wat Zack an Leah wen do fo show dat dey wen trus Jehovah was going help dem?

  Yoa ansa