Apai indai, tulung meh bala anak kita bulih penguntung ari gempuru. Tu siti chara ti pemadu manah kita ulih nulung sida bulih penemu-dalam. Utai ke dipeda, didinga sereta disebut sida dalam komen ba gempuru ulih nulung sida belajar pasal Jehovah sereta nyadi kaban Iya. (Ul 31:​12, 13) Enti sema nuan apai tauka indai, baka ni chara nuan ulih nulung bala anak kena bulih mayuh agi penguntung ari gempuru?

• Enggau naka ulih meh datai ngagai Palan Gempuru.—Ms 22:22

• Tentuka kita bisi awak begulai enggau bala menyadi ba Palan Gempuru sebedau sereta pengudah gempuru. —Heb 10:25

• Tentuka tiap iku ba ruang bilik bisi litaricha ke deka dikena belajar ba gempuru, enda ngira nya ba format digital tauka dichelak

• Tulung anak nuan nyediaka komen ngena jaku iya empu.—Mat 21:​15, 16

• Bejaku enggau positif pasal gempuru sereta utai ke dipelajar ba dia

• Tulung anak nuan bisi begian ba pengawa meresi Palan Gempuru sereta berandau enggau bala menyadi ke tuai agi ba raban gempuru

Enda senang deka nulung anak nuan semak ngagai Jehovah, tu begunaka mayuh pengawa. Tang nuan ulih andal Jehovah deka nulung nuan.—Isa 40:29.

PEDA VIDEO APAI INDAI, BEPANGGAI MEH NGAGAI JEHOVAH, LALU SAUT TANYA TU:

• Baka ni pengelelak meri kesan ngagai Zack seduai Leah?

  Saut nuan

• Nama kebuah apai indai patut bepanggai ba pengering ari Jehovah?

  Saut nuan

• Baka ni chara Zack seduai Leah bepanggai ba tulung ari Jehovah?

  Saut nuan