MATTOLAY NGA CRISTIANO
Sikamu nga Magana—Duffunan Nu i Ána Nu nga Iyaplika i Tuttuddu ni Jehova
Tadday ta kakastan nga makua na magana ira tapenu maduffunadda i ána da nga meyaplika i tuttuddu ni Jehova ay nu duffunadda ira nga approbetchan i study ira. Makagigiammu ira meyannung kani Jehova anna maddukko ira nisa gukaban na masingadda, maginna da, anna na sarili da nga komento ta study. (De 31:12, 13) Nu tadday ka nga magana, kunnasim nga moffunan i ana mu tapenu mas aru paga i magigiammu na ta study?
-
Ikagumammu i magatende ta study tu in person.—Sal 22:22
-
Makistoria ta wawwaragi nige onu kabalin na study.—Heb 10:25
-
Siguraduammu nga egga i kopia na kada miembro na familia nu ta publikasion ira nga magigiammu ta study, puede nga digital onu hard copy
-
Duffunammu i ana mu nga mapprepara tu sarili na nga komento.—Mt 21:15, 16
-
Positibo nakuan i kakkagiammu meyannung ta study anna ta magiggigiammum tatun
-
Ivulu mu i ána mu ta aktibidad ira kagitta na pappakarenu ta Kingdom Hall anna ta pakistoria ta mas manakam ira ta kongregasion
Dakal nga trabahu i panuffun ta ána ira nga maddukko kani Jehova, anna gitta na mariga yatun nu mittan. Ngem makasiguradu ka nga duffunan naka ni Jehova.—Isa 40:29.
GIRAWAN I VIDEO NGA SIKAMU NGA MAGANA, MATTALO KAMU KANI JEHOVA ANNA TA SIKAN NGA IYAYAWA NA, KABALIN NA, TABBAGAN I TUMUNUG IRA NGA PAKKIAVU:
-
Anni i efekto na sobra nga bannag kani Zack anna Leah?
-
Ngatta makkiddaw nakuan i magana ira tu sikan kani Jehova?
-
Anni ira i kingngua ni Zack anna ni Leah nga mangipasingan nga mattattalo ira ta panuffun ni Jehova?