ƐGƐ NƐ ĀCƐ O YƐCE UKRAIST GĒ LĀ OYEEYI
Adā Mla Ɛ́nɛ́—Ta Ayipɛ Ɔlɛ Uwɔ Abɔ Kéē Lɛ Ijeeyi Nōo Ŋma Ɛgiyi Ɔwɔico A
Ɔwɛ olɔhi fiyɛ duu nɛ adā mla ɛ́nɛ́ lɔfu ta ayipɛ ɔlɛ uwa abɔ kéē lɛ ijeeyi nōo ŋma ɛgiyi Ɔwɔico a wɛ ō ta uwa abɔ kéē lɛ itene ŋma ōjila ku ujɔ. Ɔdā nɛ aɛdrɔ gē má, gē po klla gē ka eko néē yɔ i ta ohi ipu ōjila ku ujɔ a lɔfu ta uwa abɔ kéē nwu ɛlā lɛyikwu Ujehofa klla kwu piya ɔya ku nu nōo kwu ɔ ajaajɛ. (Obla. 31:12, 13) Ɔdaŋ ku a wɛ adā amāŋ ɛ́nɛ́, ɛgɛnyá nɛ a lɔfu ta ɔyi ku ɔlɛ uwɔ abɔ kóō lɛ itene tōōtɔ̄ɔ̄ ŋma ōjila ku ujɔ a?
-
Ceyitikwu ku a nyɔ gā ōjila ku ujɔ ipu Agbla Ku Ajɔɔcɛ.—Aíjē 22:22
-
Lɛ eko taajɛ ku a piyatɔha mla ayinɛ uwɔ ipu Agbla Ku Ajɔɔcɛ gbɔbu ɛɛ ku ōjila kóō gbɔɔ amāŋ igbihi nɛ ōjila le ŋmɛyi.—Uhíb. 10:25
-
Ceyitikwu ku a má peee ka eyeeye ku ācɛ apɔlɛ a lɛ aɔkpá néē gē klɔcɛ ipu ōjila ku ujɔ a, ɔdaŋ nōó kóō wɛ ɛ̄nɛ̄ ō yɔ ipu ɔdā ō le gwo uwaya amāŋ ɛ̄nɛ é ya wɛɛcɛ a
-
Ta ɔyi ku ɔlɛ uwɔ abɔ kóō lɛ ohi nɛ ó géē ta a tutu ɔwɛ ku abɔyinu.—Umát. 21:15, 16
-
Kɛla olɔhi lɛyikwu ōjila ku ujɔ mla aɛlā ɛyɛɛyɛyi nɛ a nwu a
-
Ta ayipɛ ɔlɛ uwɔ abɔ kéē yuklɔ ōhī bɛɛka ō nya Agbla Ku Ajɔɔcɛ mla ō kɛla mla ācɛ ojikoko ipu ujɔ a
Ō ta ayipɛ ɔlɛ uwɔ abɔ kéē tubla Ujehofa ajaajɛ cɛgbá uklɔ nɛhi, ó kē lɔfu jɛ uwɔ ɛ̄jɛ̄ ekoohi duu. Naana, le jé peee ka Ujehofa géē ta uwɔ abɔ.—Ayis. 40:29.
LƐ UVIDIO NYĀ MAFU NŌO KAHINII: ADĀ MLA Ɛ́NƐ́, AA GBOLO CE UJEHOFA KÓŌ JE ƆFU IYĒ LƐ AA, CƐƐ AA LƐ ƆKA NŌO BA NYĀ CILA:
-
Ɛgɛnyá nɛ ɛ̄jɛ̄ lɛ abɔ kwu Zack mla u Leah a?
-
Ɔdiya nɛ adā mla ɛ́nɛ́ cika ō gbolo ce Ujehofa kóō je ɔfu iyē lɛ uwa a?
-
Ɔwɛ ɛgɛnyá nɛ u Zack mla u Leah gbolo ce Ujehofa kóō ta uwa abɔ a?
