Kẹnị Ebidẹịn ụwọụ nẹ daụ mọ yin mọ otu akị baratụa anị awọụbọ pịrị wẹrị Ọkpọnanaowei duobo mịnị kịlịkịlị-nimiye nanamu yọbị, anị baratụa a pịrị wẹrị Yetolumọyọ duo arere nana. Yetolumọyọ laa daba kala-awọụbọ ẹrịmịnị yebo mọ naamịnị yebo mọ bá biibịbị paraị mịnị yọmị baratụa a pịrị wẹrị Jehovah nimi mịnị, bá wo ikieotu kpọ a paa mịnị. (De 31:​12, 13) Daụ mọ yin mọ otu tebara ka kị baratụa anị awọụbọ pịrị wẹrị yetolumọyọ duo arere nana mịnị a o?

• Angọtụa ifiebosẹ yetolumọyọ a bo .—Ps 22:22

• Kingdom Hall laa daba ifie mịẹpaamọ wẹrị bịnaotubo mọ ẹrẹtei.—Heb 10:25

• Pebida iné warịbolou otubosẹ yetolumọyọ bọọ tọlumọ mịnị funbo nana

• Baratụa iné awọụbo pịrị dá angọ tọlọmọ wẹrị ebibara biibịbị paraị.—Mt 21:​15, 16

• Yetolumọyọ amú mịnị yọ mọ, bá tolumọ mịnị yebo mọ yelaa emi bara gbaa akị iné awọụbo pịrị

• Baratụa iné awọụbo pịrị wẹrị Kingdom Hall tọlọmọyọ amú bá itu bọọ emi okosudẹ otubo mọ ẹrẹtei.

Baratụa iné awọụbo pịrị wẹrị Jehovah mọ naịmụ yọbị kala fịrịgha, ị́mịnị dẹịnsụọ kpọ paa emi anịa Jehovah baratụa ị́ pịrị mịnị.—Isa 40:29.

DAỤ MỌ YIN MỌ OTU JEHOVAH KỤRỌ KA SẸSẸRẸ, VIDIO FARỊ DÁ BEI BIIBỊBỊMỌ PARAỊ:

• Ifiebosẹ angọ dẹịn mịnị yọmị tebara ka kị Zack mọ Leah mọ gbele ma o?

  Your answer

• Kụrọ nanamụ yọmị tetuu kị duonị daụ mọ yin mọ otu Jehovah ka sẹsẹrẹ agbẹị emi a o?

  Your answer

• Zack mọ Leah mọ te ụwọụ ka kị Jehovah ka sẹsẹrẹ emi bara mịẹdịa ma o?

  Your answer