Atumi uchirisha penker enentaimsar turin arat takurmeka iruntainiam wearat tusarum yaintiniaitrume. Nui antuiniana nuka tura iiniana nusha Jehovan penker nekatniun tura ni amikri atinian yainkiarminiaiti (Muis 31:​12, 13). Tumaitkiusha atumi uchiri iruntainiam pachiniak Jehovanun nukap nekaat tusarum itiur yainminiaitrum?

• Iruntainiam nakak pachinkiata (YKan 22:22).

• Atumi uchirisha iruntramu juartsain turutskesha amukamtai ii yachi ii umai ainiana nujai aujmattsarat tusarum yaintarum (Isr 10:25).

• Atumi uchirisha iruntainiam unuimiatratniun papiin takuarat tusarum susatniuitrume. Celularnum turutskesha papii jusamu nuna takuartiniaiti.

• Atumi uchirisha ni enentaimmian iruntramunam ewejen takui aujmattsat tusarum yaintarum (Mat 21:​15, 16).

• Iruntramunam pachinkiatin urukamtai penkerait tura nuisha wari unuimiattain nuna tuke aujmattsatarum.

• Atumi uchirisha iruntai jean japimkiatniun yaimkiarat tusarum jintintiatarum. Tura uuntmantu ainiana nujaisha aujmattsarat tusarum yaintarum.

Atumi uchiri Jehovan aneasarat tusarum yaintiniaitrumna nui enentaimsarum itiurchat enentaimminiaitrume. Tumaitkiusha ju kajinmatkishtiniaitrume: Jehová atumin yainmaktatrume (Isa 40:29).

UCHIRTINTIRAM JEHOVÁ YAINMAKTATJI TU ENENTAIMSATARUM TANA NU VIDEO IISAM JU ANINTRAMU CHIKICHKIMSAM AIMKIATA:

• Miguel Lidiajai pimpikiaru asar urukiarmia?

  Ayamuri

• Uchirtin ainiana nusha urukamtaiya Jehová kakarman surusat tusar seawartiniait?

  Ayamuri

• Miguel Lidiajaisha Jehová yainkiat tusar itiurkarmia?

  Ayamuri