Ţţawil yifen akk wiyaḍ akken ad ɛiwnen imawlan dderya-nsen ad kesben lekyasa n Ṛebbi, d inejmuɛen imasiḥiyen. Ayen i ţwalin d wayen i sellen deg inejmuɛen, akk-d leǧwab-nsen, d ayen ara ten-iɛiwnen ad issinen Yahwa w’ad uɣalen d iḥbiben-is (Asm 31:​12, 13). Ma tesɛiḍ dderya, amek i tzemreḍ a ten-tɛiwneḍ bac ad sfaydin akken ilaq seg inejmuɛen?

• Xdem ayen akk umi tzemreḍ akken aţ-ţḥeddṛeḍ i inejmuɛen di Tzeqqa n Tgelda (Ahl 22:23).

• Sfaydi-d si lemɛacṛa n watmaten ţ-ţyessetmatin di Tzeqqa n Tgelda uqbel inejmuɛen neɣ umbeɛd (Ɛeb 10:25).

• Wali ma yesɛa mkul yiwen seg warraw-ik tizmamin ara nɣer deg unejmuɛ.

• Ɛiwen dderya-k a d-heggin leǧwab ara d-fken seg wul-nsen (Mt 21:​15, 16).

• Sbeggen-ed s lehduṛ-ik belli tḥemmleḍ inejmuɛen akk-d uselmed i ɣ-d-yeţţunefken.

• Ɛiwen arraw-ik ad ţekkin di lecɣal n tejmaɛt, am usizdeg n Tzeqqa n Tgelda, neɣ ad mmeslayen d watmaten ţ-ţyessetmatin meqqren di leɛmeṛ.

Laqen aṭas n lmeǧhudat iwakken aţ-ţɛiwneḍ dderya-k ad qerben ɣer Yahwa, yerna ahat tikwal teţḥussuḍ belli iwɛeṛ mliḥ fell-ak. Meɛna tzemreḍ aţ-ţţekleḍ ɣef lemɛawna n Yahwa (Icɛ 40:29).

FEṚṚEǦ BIDYU AY IMAWLAN, ŢEKLET ƔEF YAHWA AKK-D TEZMERT-IS, MBEƐD ǦAWEB-ED ƔEF YESTEQSIYEN-AGI:

• D acu n lateṛ i d-yeǧǧa ɛeggu ɣef gma-tneɣ ţ-ţmeṭṭut-is?

  Leǧwab-ik

• Ayɣer i sen-ilaq i imawlan ad ḍelben i Yahwa a sen-d-yefk lǧehd?

  Leǧwab-ik

• Amek i ţeklen gma-tneɣ ţ-ţmeṭṭut-is ɣef Yahwa akken a ten-iɛiwen?

  Leǧwab-ik