Ди зэІущІэхэр адэ-анэхэм я сабийхэм Алыхьым къыбгъэдэкІ Іущагъыр зэрырагъэгъуэтын Іэмал нэхъыфІ дыдэхэм ящыщщ. Сабийхэм ди зэІущІэхэм щалъагъур, щызэхахыр икІи жэуап зэрыщатыр къадэІэпыкъунущ Иеговэ нэхъыфІу къацІыхуну икІи и ныбжьэгъу хъуну (Вт 31:12, 13). Адэ-анэхэм сэбэп яхуэхъуну чэнджэщхэр:

• Ди зэІущІэхэр щекІуэкІ Унэм узэрыкІуэным хущІэкъу (Пс 22:22).

• ЗэІущІэм ипэ е иужь къуэш, шыпхъухэм фадэуэршэрыну зэман къыхэфх (Евр 10:25).

• ЗэІущІэхэм щыддж публикациехэр, ар электроннэу е тедзауэ ирехъу, унагъуэм щыщ дэтхэнэ зыми зэриІэным фыкІэлъыплъ.

• Сабийхэм езыхэм я псалъэкІэ зэІущІэм жэуап щатыну фадэІэпыкъу (Мт 21:15, 16).

• ЗэІущІэхэмрэ абы къыщытІэрыхьэ унафэхэмрэ щІэныгъэмрэ фІыкІэ фытепсэлъыхь.

• Фи сабийхэм фадэІэпыкъу зэІущІэхэр щекІуэкІ Унэр щызэщІэткъуэкІэ ахэри абы хэтыну икІи балигъ къуэш, шыпхъухэм ядэуэршэрыну.

Иеговэ и ныбжьэгъу хъуну сабийм удэІэпыкъуныр, дауикІ, Іуэху тыншкъым, уеблэмэ, фи Іэр щефхьэхыни къыфхуихуэнкІэ хъунущ. Ауэ шэч къытевмыхьэ, Иеговэ фэ абыкІэ Іэмал имыІэу къывдэІэпыкъунущ (Иса 40:29).

«АДЭ-АНЭХЭ, ИЕГОВЭ КЪАРУ КЪЫЗЭРЫВИТЫНУМ ШЭЧ КЪЫТЕВМЫХЬЭ» ЖЫХУИІЭ ВИДЕОМ ЕПЛЪИ, УПЩІЭХЭМ ЖЭУАП ЕТ:

• Закрэ абы и щхьэгъусэ Лиерэ зэрезэшыр дапхуэдэут зэран къазэрыхуэхъур?

  Уи жэуапыр

• Къару къаритыну адэ-анэхэр Иеговэ сыт щІелъэІун хуейр?

  Уи жэуапыр

• Закрэ Лиерэ Иеговэ зэрыщыгугъыр дапхуэдэу къызэрагъэлъэгъуар?

  Уи жэуапыр