Nʋmɔŋ kɩbaŋ weyi ɩ-yɔɔ lʋlɩyaa pɩzɩɣ patɩŋna nɛ pasɩnɩ pe-piya nɛ sɩwɛɛnɩ Ɛsɔ lɔŋsɩnɖɛ yɔ, ɩ-taa lɛɛkʋ lɛ Krɩstʋ mba kediɣzisi. Mbʋ piya naɣ, tɔm ndʋ siwelisiɣ nɛ ɛzɩma sicosuu tɔm kediɣzisi taa yɔ, pɩpɩzɩɣ pɩsɩnɩ-sɩ nɛ sɩkpɛlɩkɩ Yehowa tɔm nɛ sɩpɩsɩ ɖɔɖɔ ɛ-taabalaa kɩbama. (Wp 31:​12, 13) Ye ŋkɛ lʋlɩyʋ yɔ, ɛzɩma ŋpɩzɩɣ nɛ ŋsɩnɩ ña-pɩɣa nɛ kediɣzisi wazɩ-kɛ camɩyɛ?

• Ñaɣ pana nɛ ŋwoki kediɣzisi Kewiyaɣ kpaaŋ taa.—Ke 22:22

• Pʋcɔ nɛ kediɣzisi paɣzɩ yaa sɩtɛŋ lɛ, kpakɩɣ alɩwaatʋ nɛ ña nɛ koobiya lalaa ɩkpazɩɣ ɖama ɖoŋ.—Ebr 10:25

• Yele nɛ paa hɔʋ taa tʋ weyi lɛ, ɛwɛɛnɩ takayɩsɩ nzɩ sɩ-taa pakaɣ tazʋʋ kediɣzaɣ taa yɔ, paa pɩtɩɩkɛ takayɩsɩ maɣmaɣ yaa nzɩ sɩwɛ taabɩlɛɛtɩ yaa pɔrtaabɩlɩ taa yɔ

• Sɩnɩ ña-pɩɣa nɛ kɔñɔɔzɩ ka-tɩ nɛ kalabɩnɩ tʋmɩyɛ ka-maɣmaɣ kɔ-tɔm pee alɩwaatʋ ndʋ kocosuu tɔm yɔ.—Mat 21:​15, 16

• Yɔɔdɩ tɔm kɩbandʋ kediɣzisi nɛ tɔm ndʋ ŋkpɛlɩkɩɣ sɩ-taa yɔ pɩ-yɔɔ

• Sɩnɩ ñe-piya nɛ sɩɖʋʋ nesi Kewiyaɣ kpaaŋ taa ñɔɔzʋʋ tʋma nɛ sɩñɔtʋʋnɩ ɛyaa sɔsaa ɛgbɛyɛ taa nɛ sɩ nɛ wɛ palakɩ kɛdɛsɩ

Pɩpɔzʋʋ se ŋla tʋma sakɩyɛ nɛ pɩsa nɛ ŋsɩnɩ ñe-piya nɛ sɩñɔtɩnɩ Yehowa, nɛ nabʋyʋ taa ŋpɩzɩɣ nɛ ŋmaɣzɩ se tʋma ana acɛzɩ ño-ɖoŋ kamaɣ yɔɔ. Ɛlɛ ŋpɩzɩɣ nɛ ŋtaa Yehowa liu se ɛkaɣ-ŋ sɩnʋʋ.—Iza 40:29.

CƆNƖ VIDEO LƲLƖYAA ƖÑƖNƖ ÐOŊ KPAZƲƲ YEHOWA CƆLƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Pɩnɩ Zack nɛ Leah lɛ, ɖoŋ weyi pɩwɛnɩ pɔ-yɔɔ?

  Tɔm ndʋ ŋcosuu yɔ

• Ɛbɛ yɔɔ pɩwɛɛ se lʋlɩyaa ɩpɩsɩnɩ Yehowa yɔɔ nɛ ɛkpazɩ-wɛ ɖoŋ?

  Tɔm ndʋ ŋcosuu yɔ

• Ɛzɩma Zack nɛ Leah pɔñɔnɩ Yehowa nɛ papɩzɩ nɛ pala pa-tʋmɩyɛ camɩyɛ?

  Tɔm ndʋ ŋcosuu yɔ