VIVE SIMA UN KRISTON
Pai ku mai, nhos djuda nhos fidjus aplika kel ki Jeová ta inxina-s
Un di kes midjór manera ki pai ku mai pode djuda ses fidjus aplika kel ki Jeová ta inxina é óras ki es ta djuda-s tra pruvetu di runions. Kes kuza ki ses fidjus ta odja, obi i fla na ses komentárius na runions pode djuda-s prende sobri Jeová i bira más se amigu. (De 31:12, 13) Si bo é pai ô mai, modi ki bu pode djuda bu fidju tra más pruvetu di runions?
-
Faze tudu kel ki bu ta pode pa sisti runions na Salon di Reinu. — Sal 22:22.
-
Tra ténpu antis ô dipôs di runions pa pâpia ku irmons ku irmans. — Eb 10:25.
-
Djobe si kada algen na família tene un kópia di kes publikason ki sta ba studadu na runion, na formatu dijital ô na papel.
-
Djuda bu fidju pripara un komentáriu na se própi palavras. — Mt 21:15, 16.
-
Pâpia di manera puzitivu sobri runions i sobri kes kuza ki nu ta prende na el.
-
Djuda bus fidju faze kuzas sima linpa Salon di Reinu i pâpia ku kes irmon di más idadi di kongregason.
• Bu meste faze txeu sforsu pa djuda bus fidju bira más amigu di Jeová i alvês kel-li pode parse má é un kuza difísil dimás. Má, bu pode ten serteza ma Jeová ta djuda-u. — Is 40:29.
ODJA VÍDIU PAI KU MAI, NHOS KUNFIA NA JEOVÁ I NA SE FORSA. DIPÔS RESPONDE KES PERGUNTA LI:
-
Modi ki kansera staba ta afeta kel kazal?
-
Pamodi ki pai ku mai debe pidi Jeová pa da-s forsa?
-
Modi ki kel kazal kunfia na Jeová i es tevi bons rezultadu?
