WENDELU WA UKIDISTÁ
Jitata—Kwatekesenu o Twana Twenu Kukala ni Unjimu Utunda Kwa Nzambi
Ukexilu umoxi wabetakota wa jitata kukwatekesa o twana twâ kukala ni unjimu utunda kwa Nzambi, o kwa kwatekesa kukatula mbote mu yônge. O ima imona o minzangala, ni ima ivwa ni yazwela mu kubhana itambwijilu, itena kwa kwatekesa kudilonga yalungu ni Jihova ni kuzuka dingi kwa mwene. (Mate 31:12, 13) Se eye u tata mba mama, kyebhi ki utena kukwatekesa moné kukatula dingi mbote mu yônge?
-
Bhanga nguzu phala kuya mu yônge mu Kididi Kya Ubhezelu.—Jis 22:22
-
Kala ni kithangana kya kudizwelesa ni jiphange mu Kididi kya Ubhezelu ande dya kumateka o kyônge ni kyoso kizubha.—Jih 10:25
-
Watokala kwijiya se ku mwiji wé, oso ala ni madivulu anda dilonga-nawu mu yônge, kikale mu papela mba dijitale
-
Kwatekesa moné kusokejeka kitambwijilu bhukaxi ka izwelu yê-mwene.—Mat 21:15, 16
-
Zwela kyambote yalungu ni yônge ni milongi imwadilongo
-
Kwatekesa o twana twe kubhanga mbandu mu ikalakalu, kala kuxixila ni kukomba o Kididi kya Ubhezelu ni kudizwelesa ni jiphange akuka kyá
O kukwatekesa o twana twe kuzukama kwa Jihova kubhinga nguzu yavulu, sayi ithangana wandamona kwila kubhonza mwene. Maji utena kudyelela kwila Jihova wanda kukwatekesa.—Iz 40:29.
TALA O VIDYU JITATA, DYELELENU KWA JIHOVA NI MU NGUZU IJILA KWA MWENE, MUKUSULUKA TAMBWIJILA O IBHWIDISU YAKAYELA:
-
Mukonda dya kubhwila, ihi yexile mubhita ni Zack ni Leah?
-
Mukonda dyahi o jitata abhingi kusota o kikwatekesu kya Jihova phala kuditunda kyambote?
-
Mu maukexilu ebhi Zack ni Leah adyelela kwa Jihova phala kwa kwatekesa