Enguma y’okwa syonzira mbuyanga esyo ababuthi banga wathikiryamu abaana babu eribana amenge awakalhua oku Nyamuhanga ly’eribawathikya erighasirwa omwa mihindano y’Ekikristayo. Ebyo abalere bakalhangira, eriowa, n’ebya bakabugha bakasubirya okwa mihindano byangana bawathikya erigha oku Yehova neryo ibabya banywani biwe b’okwa ndungu. (Ebi 31:12, 13) Wamabya iwuli mubuthi, wanga wathikya wuthi omwana wawu erighasirwa ndeke okwa mihindano?

• Lengaho kutsibu erihindana okwa mihindano busu okwa busu.​—Esy 22:22

• Lhangira wuthi wukabana obuthuku obw’erikania n’abalikyethu okwa Kisenge ky’Obwami emihindano yithe yatsuka kandi yikahwamo.​—Ebr 10:25

• Lhangira wuthi obuli mughuma omw’eka akabya inianawithe ekopi yiwe ey’ekitabu ekik’ighawa okwa mihindano, mbulha omwa mulingo w’ekielekitroniki kutse ekiri okwa syombapura

• Wathikaya omwana wawu erithegheka eky’erisubirya omwa binywe biwe.​—Mt 21:15, 16

• Kanaya okwa mihindano kwa ndeke n’erikangiriribwa erya wukathungayo

• Wathikaya abaana bawu erisangira omwa mibiiri ng’eriyonza Ekisenge ky’Obwami n’erikania n’abalikyethu abakulire abali omwa kithunga

Eriwathikya abaana bawu eriyithunda hakuhi na Yehova ni mubiiri munene, kandi okwa bundi buthuku iniangana kulithohera. Aliwe, wangana yikethera ngoku Yehova akendi kuwathikya.​—Isa 40:29.

MULEBAYE EVIDIYO NG’ABABUTHI, MUYIKETHERE YEHOVA N’AMAAKA WIWE, MWANASUBIRYA OKWA BIBULYO BINO:

• Enduhi muyahamba yithi oku Zack na Leah?

  Eky’erisubirya kyawu

• Busana naki ababuthi batholere ibasaba Yehova y’amaaka?

  Eky’erisubirya kyawu

• Zack na Leah mubayikethera bathi Yehova eribawathikya?

  Eky’erisubirya kyawu