Jishinda jimo bansemi jo bafwainwa kwingijisha pa kukwasha baana babo kwikala na maana a Lesa, ke kwibafunjisha kukwatankanya bintu byo bafunda pa kupwila. Bintu byo bamona banyike, kumvwa ne byo bakumbulapo pa kupwila bibalengela kwikala na bulunda bwakosa ne Yehoba. (Mpi 31:12, 13) Inge mwi bansemi mwakonsha kukwasha byepi baana benu kukwatankanya bintu byo bafunda pa kupwila?

• Tanwainga ku kupwila kimye kyonse.—Sl 22:22

• Ikalangaipo na kimye kya kupwanañana na balongo ne banyenga kupwila saka kukyangye kutendeka ne panyuma ya kupwila.—Heb 10:25

• Yense mu kisemi wafwainwa kwikala na buku wa kwingijisha pa kupwila pa kiñambañamba nangwa ye bapulinta

• Kwashainga baana benu kukumbulapo mu byambo byabo.—Mat 21:15, 16

• Ambainga byawama pa lunengezho lwa kupwila ne pa bintu byo tufunda

• Tundaikainga baana benu kwingilako mingilo pa kipwilo nabiji kuwamisha mu Nzubo ya Bufumu ne kwisamba na bakikulumpe ba mu kipwilo

Kukwasha baana benu kufwenya kwipi ne Yehoba ke mwingilo wabaya bingi, kabiji kimye kimo ukookesha bingi. Pano bino mwafwainwa kushiinwa’mba Yehoba ukemukwashanga.—Is 40:29.

TAMBAI VIDYO WA KUBA’MBA ANWEBA BANSEMI, KETEKELAI MWI YEHOBA, APA BINO MUKUMBULE ANO MEPUZHO:

• Kukooka kwalengejile ba Zack ne ba Leah kwikala byepi?

  Nembaipo mukumbu wenu

• Mambo ka bansemi o bafwainwa kuketekela Yehoba kwibakwasha?

  Nembaipo mukumbu wenu

• Mu ñanyi mashinda ba Zack ne ba Leah mo baketekejile mwi Yehoba kwi bakwasha?

  Nembaipo mukumbu wenu