အိၣ်မူဒ် ခရံာ်ဖိအသိး
မိၢ်ပၢ်သ့ၣ်ဧၢ မၤစၢၤသုဖိတဖၣ် ဒ်သိးကမၤထွဲဝဲ တၢ်လၢအမၤလိဘၣ်ဝဲ လၢကစၢ်ယွၤ အကလုၢ်ကထါပူၤ
ဒ်သိး ဖိတဖၣ် ကမၤထွဲ တၢ်လၢအမၤလိဘၣ်ဝဲလၢ ကစၢ်ယွၤအကလုၢ်ကထါအပူၤအဂီၢ် မိၢ်ပၢ်တဖၣ် မၤစၢၤအဝဲသ့ၣ်သ့. မိၢ်ပၢ်တဖၣ် မၤဝဲသ့ခီဖျိ မၤစၢၤအဖိတဖၣ် ဒ်သိး ကဒိးန့ၢ်ဘၣ်အဘျုးလၢ တၢ်အိၣ်ဖှိၣ်ပူၤ. တၢ်လၢဖိတဖၣ် နၢ်ဟူဝဲ, ထံၣ်ဘၣ်ဝဲ ဒီးအစံးဆၢဝဲလၢ တၢ်အိၣ်ဖှိၣ်ပူၤန့ၣ် ကမၤစၢၤအဝဲသ့ၣ် ဒ်သိးအကသ့ၣ်ညါထီၣ် ယဟိဝၤယွၤ ဒီးကကဲထီၣ်အသကိး. (၅ မိၤ ၃၁:၁၂, ၁၃) နမ့မ့ၢ် မိၢ်ပၢ်န့ၣ် နမၤစၢၤ နဖိတဖၣ် ဒ်သိး အကဒိးန့ၢ်ဘၣ်အါထီၣ်အဘျုးလၢ တၢ်အိၣ်ဖှိၣ် ကသ့ဒ်လဲၣ်.
-
ဂုာ်ကျဲးစၢးထဲးဂံၢ်ထဲးဘါ လၢနကလဲၤထီၣ်တၢ်အိၣ်ဖှိၣ်လၢ တၢ်အိၣ်ဖှိၣ်လီၢ်.—စံး ၂၂:၂၂.
-
ဟံးန့ၢ်တၢ်ဆၢကတီၢ်လၢ နကရ့ဒီး ဒီပုၢ်ဝဲၢ်မုၣ်ခွါတဖၣ် ဖဲတချုးလၢ တၢ်အိၣ်ဖှိၣ်ထီၣ်ဒံးဘၣ် မ့တမ့ၢ် တၢ်အိၣ်ဖှိၣ်ဝံၤအလီၢ်ခံ.—ဧ့ၤ ၁၀:၂၅
-
ဒ်သိး ဟံၣ်ဖိဃီဖိ ကိးဂၤဒဲး ကအိၣ်ဒီး လံာ်လဲၢ်လၢ ပှၤကမၤလိအီၤလၢ တၢ်အိၣ်ဖှိၣ်ပူၤအဂီၢ် မၤစၢၤအဝဲသ့ၣ်
-
မၤစၢၤနဖိတဖၣ် ဒ်သိး ကဟ့ၣ်ထီၣ် တၢ်စံးဆၢလၢ အနီၢ်ကစၢ် တၢ်ကတိၤ.—မး ၂၁:၁၅, ၁၆
-
ဖဲနတဲသကိးတၢ် ဘၣ်ဃးဒီး တၢ်အိၣ်ဖှိၣ် ဒီးတၢ်လၢနမၤလိဘၣ်အီၤလၢ တၢ်အိၣ်ဖှိၣ်ပူၤတဖၣ်အခါ အိၣ်ဒီးတၢ်ထံၣ်လၢအဂ့ၤ
-
မၢနဖိတဖၣ် မၤကဆှီစၢၤ တၢ်အိၣ်ဖှိၣ်လီၢ် ဒီးမၢအဝဲသ့ၣ် တဲတၢ်ဒီး ပှၤသူၣ်က့သးပှၢ်လၢ တၢ်အိၣ်ဖှိၣ်ပူၤ
နကမၤစၢၤ နဖိတဖၣ်လၢ ကဘူးထီၣ်ဒီး ယဟိဝၤယွၤအဂီၢ် နကဘၣ်မၤတၢ် အိၣ်ဝဲအါမံၤ ဒီးတဘျီတခီၣ်န့ၣ် တညီဝဲဘၣ်. ဘၣ်ဆၣ် နဃ့ယဟိဝၤယွၤ အတၢ်မၤစၢၤသ့ ဒီးအဝဲကမၤစၢၤနၤ.—ၡါ ၄၀:၂၉.
ကွၢ်တၢ်ဂီၤမူလၢ အခိၣ်တီမ့ၢ်ဝဲ မိၢ်ပၢ်တဖၣ် သန့ၤသးလၢယဟိဝၤယွၤဒီး အဂံၢ်အဘါ, ဝံၤဒီးစံးဆၢ တၢ်သံကွၢ်လၢ တၢ်ဖီလာ်တဖၣ်အံၤ–
-
စဲၣ် ဒီးလံအါန့ၣ် လီၤဘှံးဝဲအဃိ တၢ်ကဲထီၣ်အသးဒီး အဝဲသ့ၣ်ဒ်လဲၣ်.
-
ဘၣ်မနုၤအဃိ မိၢ်ပၢ်တဖၣ်န့ၣ် ကဘၣ်ဃ့ ယဟိဝၤယွၤ တၢ်ဂံၢ်တၢ်ဘါလဲၣ်.
-
စဲၣ် ဒီးလံအါန့ၣ် သန့ၤအသးလၢ ယဟိဝၤယွၤဒ်လဲၣ်.