KUPARUKA NGOMUKRISTE
Vakurona—Vatereni vana veni va gwane unongo wokutunda kwaKarunga
Nkedi zimwe zongwa ezi nazi vatera vanona va gwane unongo kuna kara pokuvavatera va gwanene mo mauwa momapongo. Eyi ava mono neyi ava zuvhu ntani neyi ava limburura nga yi va vatera va lironge kuhamena Jehova nokukara kaume kendi. (Deut 31:12, 13) Nsene asi ove mureti, ngapi omu no vatera vana woge va gwanene mo mauwa momapongo?
-
Rugana paapa wa hulira mokukapongera koSinyanga soUhompa.—Epis 22:22
-
Litulira po siruwo sokuzogera kumwe novanavazinyetu komeho ndi konyima zepongo.—Heb 10:25
-
Divilisa asi navenye vemepata va kara noyimbapiratjangwa eyi nomu kalironga kepongo, yikare asi yomosikwakonentu ndi eyi va nduruka
-
Vatera munoge a ka gave elimbururo mononkango damwene.—Mat 21:15, 16
-
Uyunga momuwa kuhamena mapongo ntani neyi o lirongere mo
-
Vatera vana woge va lihameke moyirugana ngwendi kuzeresa Sinyanga soUhompa ntani nokuzogera kumwe novakurupe womoMbungakriste
Kuvatera vana woge va hedere pepi naJehova pwa hepa yirugana yoyinzi ano poyiruwo yimwe kuvhura yimoneke ngwendi udigu unene. Nye kara nehuguvaro asi Jehova nga ku vatera.—Jes 40:29.
TARERA VIDIYO VAKURONA, HUGUVARENI JEHOVA NOMONONKONDO DENDI MAKURA LIMBURURA MAPURO AGA:
-
Ngapi omu eroroko lyakundamene Zack naLeah?
-
Morwasinke vakurona nava hundilira nonkondo kwaJehova?
-
Mononkedi musinke Zack naLeah va huguvarere mwaJehova ava vatere yi va tompoke?
