Балдарыңарга жыйналыштан толук пайда алганга жардам бергиле. Бул — Кудайдын акыл-насаатын алардын жүрөгүнө сиңирүүнүн эң мыкты жолу. Балдардын жыйналыштан уккан-көргөндөрү, жооп бергендери Жахаба жөнүндө билгенге жана аны менен дос болгонго көмөк кылат (Мз 31:12, 13). Ата-энелер, аларга жыйналыштан толук пайда алганга кантип жардам бере аласыңар?

• Жыйналышка бетме-бет барганга бүт күчүңөрдү жумшагыла (Зб 22:22)

• Жыйналышка чейин же кийин ишенимдештериңер менен жагымдуу пикирлешкенге убакыт бөлгүлө (Ев 10:25)

• Үй-бүлөнүн ар бир мүчөсүндө, электрондук болобу же кагаз түрүндөбү, жыйналыштан изилдене турган адабияттардын болушуна кам көргүлө

• Балаңар өз сөзү менен жооп бериши үчүн, даярданганга жардам бергиле (Мт 21:15, 16)

• Жыйналыш жана анда айтылгандар жөнүндө оң маанайда сүйлөгүлө

• Балдарыңарга Падышалык залын жууп-тазалаганга катышканга жардам бергиле жана улгайган бир туугандар менен пикир алмашканга үндөгүлө

Балдарыңарга Жахаба менен дос болгонго жардам берүү көп күч-аракетти талап кылат. Кээде бул колуңардан келбечүдөй сезилиши мүмкүн. Ошентсе да Жахабанын жардам береринен шектенбесеңер болот (Ыш 40:29).

«АТА-ЭНЕЛЕР, ЖАХАБАГА ЖАНА АНЫН КҮЧҮНӨ ТАЯНГЫЛА» ДЕГЕН ВИДЕОНУ КӨРҮП, БУЛ СУРООЛОРГО ЖООП БЕРГИЛЕ:

• Чарчаганы Зак менен Лияга кандай таасир эткен?

  Жообуң:

• Ата-энелер эмне үчүн Жахабага күч сурап кайрылышы керек?

  Жообуң:

• Жахаба Зак менен Лияга жардам бериши үчүн, алар ага кантип таянышкан?

  Жообуң: