Ichintu choka cho chingavwa abapapi ukuti babavwe abana babo ukuti babanje na mahala agha Chala, babaghiye ukubavwa ukuti bapindulaghe ni nkomano zyosi izya Chikilisitu. Vyo abana abanandi bakwennya, nu kwivwa sona na vyo bakwamula pa nkomano vingabavwa ukuti bamumanye akiza u Yehova sona nu kuba nawe pa bumanyani. (Kumbu. 31.12, 13) Pala mwe bapapi, ka mungabavwa buli-buli abana binyu ukuti bapindulaghe na vyo bakumanyila pa nkomano?

• Mubikepo nkani umoyo ukuti mwivwisyanje pa nkomano.—Sali. 22.22

• Mubanje na kabalilo akakwangala na bakamu na bayemba ku Nyumba ya Bumwene po inkomano zichili ukwanda na pabumalilo.—Hebe. 10.25

• Mwenelezye ukuti aliwesi pambumba yinyu ali na mabuku gho mwaya pakumanyila pa nkomano

• Mubavwe abana binyu ukunozyekela inkomano ukuti baye bamulaghe mu mazyu aghabo na ghabo.—Mata. 21.15, 16

• Munenaghe ivyiza ivya nkomano sona nu bulongozi bo mukupokela

• Mubavwe abana binyu ukuti babombagheko imbombo pa Nyumba ya Bumwene ngati ukuswefya Inyumba ya Bumwene nu kwangala na bakamu abachasongo

Imbombo iyakwavwa abana ukuti babe pa bumanyani nu Yehova yikulondiwa ukubikapo umoyo sona akabalilo kamo yingaboneka ukuti yakulitisya. Nangabuli vili bunubu, u Yehova angabavwa.—Yesa. 40.29.

ENELEZYA IVIDIYO IYAKUTI PAKUBA MWE BAPAPI MUSUBALILAGHE U YEHOVA NA MAKA GHACHE, NU KWAMULA AMALALUSYO:

• Ka choni cho chikapangisyanga ukuti u Zack nu Leya balitaghe?

  U ansala winyu

• Choni cho abapapi babaghiye ukwiputa kwa Yehova ukuti abape amaka?

  U ansala winyu

• Ka u Zack nu Leya bakabomba choni ukuti u Yehova abavwe?

  U ansala winyu