Yeñwi ya linzila zende ili yeo bashemi bakona kutusa ka yona bana babona kusebelisa zebaituta ku Jehova, ki ka kubatusa kuli baikolange mikopano ya Sikreste. Zebabonanga banana, kuutwa, ni zebabulelanga mwa likalabo zabona kwa mikopano zakona kubatusa kuituta ka za Jehova ni kuba balikani bahae. (Deut. 31:​12, 13) Haiba mu bashemi, mukona kutusa cwañi mwanaa mina kuli atusiwe hahulu ki mikopano?

• Mueze buikatazo bwa kufumanehanga kwa mikopano kwa Ndu ya Mubuso.—Samu 22:22

• Mutandange nako ni mizwale ni likaizeli bamina kwa Ndu ya Mubuso kuli mususuezane, pili mikopano isika kalisa kale ni hamulaho wa mikopano.—Maheb. 10:25

• Mubone teñi kuli yomuñwi ni yomuñwi mwa lubasi lwamina unani hatiso yeitutiwa kwa mikopano zazi leo, ibe ya kubalela fa kapangaliko kamba yehatisizwe

• Mutuse mwanaa mina kuitukiseza kuyo alaba ka kuitusisa manzwi ahae.—Mat. 21:​15, 16

• Mubulelange zende ka za mikopano ni litaba zeluitutanga kwateñi

• Mutuse bana bamina kuabananga mwa misebezi yecwale ka kukenisa mwa Ndu ya Mubuso ni kuli baikambotange ni basupali mwa puteho

Kutusa bana bamina kuitama bulikani ni Jehova kutokwa buikatazo luli, mi ka linako zeñwi kukona kubonahala kuba taata. Nihakulicwalo, mwakona kuba ni buikolwiso bwa kuli Jehova uka mitusa.—Isa. 40:29.

MUBUHE VIDIO YELI, BASHEMI, MUITINGE KU JEHOVA MI UKA MIFA MAATA, MI KIHONA MUKAALABA LIPUZO ZELATELELA:

• Kukatala nekutahisezangañi bo Zack ni bo Leah?

  Kalabo

• Ki kabakalañi bashemi habaswanela kukupanga maata ku Jehova?

  Kalabo

• Bo Zack ni bo Leah nebabonisize cwañi kuli nebaitingile ku Jehova?

  Kalabo