¿ALKYE TTEN TUʼN KYANQʼIN OKSLAL?
Aqeye mambʼaj, che onine kyiʼj kykʼwale tuʼn t-xi kybʼinchaʼn aju in nel kynikʼ tiʼj
Jaku che onin mambʼaj kyiʼj kykʼwal tuʼn tel kynikʼ kyiʼj tnabʼil Jehová qa ma che onin kyiʼj tuʼn tok kyqʼoʼn kywiʼ kyiʼj chmabʼil. Tkyaqilju in nok kybʼiʼn kʼwal, in nok kykeʼyin ex in xi kyqʼamaʼn, jaku tzʼonin kyiʼj tuʼn tel mas kynikʼ tiʼj Jehová ex tuʼn kyok te tamiw (Dt 31:12, 13). Pero, ¿tzeʼn jaku tzʼonina kyiʼj tkʼwala tuʼn tok kyqʼoʼn kywiʼ kyiʼj chmabʼil?
-
Qʼonka tilil tuʼn t-xiʼya toj Ja te Chmabʼil (Sl 22:22).
-
Tzʼonina kyiʼj tkʼwala tuʼn kyten kyukʼil erman toj Ja te Chmabʼil naʼmxtoq txi tzyet ex aj tkubʼaj chmabʼil (Heb 10:25).
-
Bʼaʼn tuʼn tonina kyiʼj toj tjaya tuʼn kyten kyuʼj in che kubʼ xnaqʼtzet kyoj chmabʼil, qa toj celular moqa twitz uʼj.
-
Che onine kyiʼj kykʼwale tuʼn t-xi kyqʼoʼn jun kycomentario toj kyex kyyol (Mt 21:15, 16).
-
Yolina bʼaʼn kyiʼj chmabʼil ex tiʼjju in kubʼ xnaqʼtzet kyoj.
-
Tzʼonina kyiʼj tkʼwala tuʼn kyyolin kyukʼil erman ma che tijen ex tuʼn tbʼant junjun aqʼuntl kyuʼn ik tzeʼn tuʼn tbʼant limpieza.
Qa mambʼaj teya, jakulo kubʼ t-ximana qa at nim aqʼuntl tuʼn tbʼant tuʼna tuʼn tonina kyiʼj tkʼwala tuʼn kyok laqʼeʼ ttxlaj Jehová. Pero jaku tzʼok qeʼ tkʼuʼja tiʼj qa nya tjunalxa at ex qa kʼonil Jehová tiʼja (Is 40:29).
OTOQXI TZʼOK TKEʼYINA VIDEO AQEYE MAMBʼAJ, QEʼK KYKʼUʼJE TIʼJ QA TZUL QʼOʼN KYIPUMALE TUʼN JEHOVÁ, TZAQʼWENXA QE XJEL LU:
-
¿Tiʼ nya bʼaʼn tzaj tiʼj Miguel ex Lidia tej tkubʼ kynaʼn siktleʼn?
-
¿Tiquʼn nim toklen tuʼn t-xi kyqanin mambʼaj kyipumal te Jehová?
-
¿Tiʼ bʼant tuʼn Miguel ex Lidia tuʼn kyjyon onbʼil tukʼil Jehová?
