Ngila imo yaibwa manene ibasa kukwaselamo bisemi bana babo kukala na mana a bu Njambi inapu kubakwasa batolilile mwamubwa nga bali ku biwano bya baka-Kristu. Nga banike bamona, kutolilila na kukumbulula ku biwano, co balilongesa bya Yehova na kulikuta nendi busamba bwa kukanyama. (Kwi 31:12, 13) Nga mu bisemi, mwasa kukwasa bati muneni alilongese byabingi ku biwano?

• Lingeni mumwasela mwoshe kuwaniwa-waniwa ku biwano.—Mya 22:22

• Munapande kuwana-wanako simbu ya kulishongangeya umo na mukwabo simbu kanda biwano bishangumuke nambe munima yabyo.—Heb 10:25

• Nga muli ku biwano, moneni ngweni boshe mu naanga yeni banakwata libulu limuli na kulilongesa ha simbu oyo ipwe lya ha likina nambe lya kupulinta

• Kwaseni muneni alibwahesele kukakumbulula mu majwi endi ku biwano.—Mat 21:15, 16

• Keti mwendeke mu ngila imwesa ngwe binangulo bitukatambula ku biwano keti bikebyo bwino

• Shongangeyeni bana beni bakwase mu bipangi byakufwa ngwe kujelesa mu Njibo ya Bumwene na kusimutwiya na bandolome na bandokazi bakukola mu cikungulukilo

Kukwasa bana bashwenye kuli Yehova kukatondeka kulifwita. Oloni kulaheleni ngweni Yehova amikwasa.—Isa 40:29

KENGENI VIDIO YA HA KUPWA BISEMI, KULAHELENI YEHOVA UJE WAPWA MUKA-NZILI. KUTUNDAHO, KUMBULULENI BIHULA BINATAKO:

• Bukalu muka bwaliwanene nabwo Zack na Leah mwafwa ya kujuka?

  Cikumbululo ceni

• Mwafwa bika bisemi banapande kulomba Yehova abane nzili?

  Cikumbululo ceni

• Zack na Leah banamwesa bati ngwabo bakulahelele Yehova abakwase?

  Cikumbululo ceni