Natu ese Iehova amo e dibamu ḡaudia bae badina dalana ta na, tama sina ese bae durudia Kristen heboudia amo namo bae davari. Matamata taudia ese hebou ai e itamu, e kamonaimu, bona edia haere amo e gwauraimu ḡaudia ese be durudiamu Iehova bae dibaia bona Ia turana namona ai baela. (Deu 31:​12, 13) Bema oi na tama o sina ta, edena dala ai natumu ba durua hebou ai ḡau momo baine diba?

• Ba hekwarahi hebou totona Kingdom Hall baola.—Sal 22:22

• Nega bavato hebou do se hematama eiava e oremu muridiai tadikaka taihu ida ba hebamo.—Heb 10:25

• Namona na hebou ai bae stadilai ḡaudia na famli ai ta ta na mai edia kopi, herevana una na fon ai eiava e printi ḡaudia.

• Natumu ba durua sibona ena hereva dalana ai haere baine heni.—Mat 21:​15, 16

• Hebou ai ta dibamu ḡau namodia ba herevalai.

• Natumui ba durudia Kingdom Hall ihaḡoevana ḡaukarana ai bae heduru bona kongrigeisin ai iahudia bae hereva henidia.

Natu ta ba durua Iehova turana ai bainela na mai hekwarahina, bona reana nega haida be aukamu. To, bavabia dae momokani Iehova ese be durumumu.—Isa 40:29.

INA VIDIO BA ITAIA, TAMA SINA E, IEHOVA ENA GOADA AI BA TABEKAU, BENA INI HENANADAI BA HAERELAIDIA:

• Hesiku dainai Zack bona Leah ediai be dahaka e vara?

  Emu haere

• Dahaka dainai tama sina na Iehova enai heduru bae tahu na namo?

  Emu haere

• Ededia dala ai Zack bona Leah na heduru totona Iehova enai e tabekau?

  Emu haere