VINO SWE INA KLISTU TWAAYA
Mwe Yavyazi Mwaazwa Ana Inu Ukulaonvya Vino Yeova Akayasambilizya
Inzila yonga ino avyazi yangazwilamo ana ukulaomvya vino Yeova akayasambilizya, u kuyazwa ukulapekanya ningo ukulongana. Vino ana anono yakalola, ukuvwa, nu kucita lino ya kwasukapo pa kulongana vingayazwa ukusambilila pali Yeova nu kuya cuza wao. (Malan. 31:12, 13) Ndi cakuti mwemwe yavyazi mungazwa uli umwana winu ukulaipakizya vino akusambilila pa kulongana?
-
Mwaezya na maka ukulazanwa umu kulongana pa Ng’anda ya Wene.—Masa. 22:22.
-
Mwasyako insita yakuya pamwi na ina na ya nkazi lino ukulongana kutatala kwatandika nanti pa cisila ca kulongana.—Aeb. 10:25.
-
Mwasininkizya ukuti cila muntu watakwata ulupapulo lwa kuomvya pa kulongana ulwa pa foni nanti ulupulintwe
-
Mwaazwa ana inu ukupekanya ivyasuko umu mazwi yao.—Mate. 21:15, 16.
-
Mwalanda ivisuma lino mu kulanda pa vya ku kulongana na pali vino tukasambilila
-
Mwaazwa ana inu ukulaomba imilimo ya pa cilongana wakwe, uukuzifya pa Ng’anda ya Wene alino nu kulalanda na akoloci aya umu cilongano cinu
Cikalondekwa ukuombesya pa kwazwa ana inu ukupalama kuli Yeova, nupya insita zimwi cingamitalila ukucita vivyo. Lelo mungasininkizya ukuti Yeova alamwazwa—Eza. 40:29.
TAMBINI VIDYO YAKUTI MWE YAVYAZI, MWATAILA YEOVA, ALINO MWASUKE MAUZYO ALONDELELAPO:
-
Uzye ukutonta kwalenzile ulupwa lwakwe ya Zack na ya Leah ukuya uli?
-
U mulandu ci uno avyazi yalinzile ukulengela Yeova ukuti ayakomye?
-
I vyani vimwi vino ya Zack na ya Leah yacisile ivyalangilile ukuti yataile Yeova ukuti amayazwa?
