ХРИСТИАН ИЛЫШ
Ача-ава-влак, йоча-влаклан Иегова деч пален налмым илышыш пурташ полшыза
Христиан вашлиймаш-влаклан кӧра ача-ава-влак йочаштлан Иегова деч пален налмым илышыш пурташ полшен кертыт. Йоча-влак вашлиймаште тӱткын колыштыт да комментарийым пуат гын, нуно Иегова нерген шукырак пален налыт да тудын лишыл йолташыже лийыт (Вт 31:12, 13). Ача-ава-влаклан теве икмыняр пайдале каҥаш:
-
Вашлиймаш залыш кошташлан уло вийым пыштыза (Пс 21:23).
-
Вашлиймаш деч ончыч да вара иза-ака-влак дене мутланашлан жапым ойырыза (Евр 10:25).
-
Тек вашлиймаш годым еш гыч кажныжын шымлышаш публикаций лиеш — электронный але печатлыме форматыште.
-
Йоча комментарийым шке мутшо ден ойлыжо манын, тудлан ямдылалташ полшыза (Мф 21:15, 16).
-
Вашлиймаш-влак нерген да тушто налме туныктымаш нерген порын ойлыза.
-
Йоча-влаклан Вашлиймаш залым эрыктымаште тыршаш да кугурак-влак дене мутланаш полшыза.
Йочалан Иегова деке лишемаш полшаш куштылго огыл, да южгунам кидда волен кертеш. Но шарныза: Иегова тыланда полша (Иса 40:29).
«РОДИТЕЛИ, ПОЛАГАЙТЕСЬ НА СИЛУ, КОТОРУЮ ДАЁТ ИЕГОВА» ВИДЕОРОЛИКЫМ ОНЧАЛ ДА ВАШМУТЫМ ПУ:
-
Зак ден Лиян чот нойымышт кушко конден?
-
Молан ача-ава-влаклан Иегова деч вийым йодаш кӱлеш?
-
Зак ден Лия Иеговалан ӱшаненыт манын, кузе ончыктеныт?