Makalelo apama abaabi enafuniwa wakavihera aniwa okanna thotho dhinadhela wa Mulugu, fuudhela wakavihera aliwa opurelamo pamadhene mutugumano dhatedhene. Mwaha dhatedhene enooniwa, enavuruwaniiwa ni enawogiiwa yavahaga dhowakula dhewa omutugumanoni, dhinowakavihera ohudhera wodhela Yehova ni wandana ni Oliye. (Deut. 31:12, 13) Akala we oli baabi obe oli mayi, onande aavi omukavihera mwanawo opurelamo mutugumano?

• Wilibihedhege wihina woonege mutugumano onyumbani yOmwene. — Sal 22:22

• Wilibihedhe othapanya naaddibila onyumbani yOmwene mutugumano dhihinabajhe obe dhamala. — Heb 10:25

• Werena dhatedhene onandiwe wihina athu aatene a murala wawo ekanne malivuru enalabihedhiwa omutugumanoni, podi okala oopidiwene obe a mutelefonini

• Omukavihere mwanawo wegeredha yowakula ni madhu ayeene. — Mt 21:15, 16

• Owogege ni makalelo apama wodhela mutugumano ni wodhela dhithu ohudheriwe

• Omukongomedhe mwanawo wakavihera mabasa bi mabasa enapariwa Onyumbani yOmwene ni othapanya naaddibila owunnuwelavo ammulogoni

Omukavihera mwanawo wandana ni Yehova enohoweleya wilibihera vanlubale; malabo mamodha podi ohikala yokweya. Mbwenye we podi wanda nnikavihero na Yehova. — Isa 40:29.

OSUGWE VIDIYU ABAABI, MMUROROMELE YEHOVA NI KOPOLO DHAAYE, YAMALA WAWERENA MAKOHO ALA:

• Makathamiho baani yaafwanya anamatelana anvidiyuni mwaha woogoma?

  Olebevo yowakula yawo

• Mwahaya bwaddi ekala yathima abaabi oloba nikavihero na Yehova?

  Olebevo yowakula yawo

• Nimakalelo baani abaabi anvidiyuni yonihiliwa wihina yomuroromela Yehova, ki mareeliho baani yawakeliwa?

  Olebevo yowakula yawo