Hemm ħafna modi kif il-ġenituri jistgħu jgħinu lit-tfal tagħhom japplikaw dak li jitgħallmu mingħand Ġeħova. Wieħed mill-aħjar modi hu billi jgħinuhom jibbenefikaw mil-laqgħat Kristjani. Dak li t-tfal jaraw, jisimgħu, u jgħidu fil-kummenti tagħhom waqt il-laqgħat jistaʼ jgħinhom jitgħallmu iżjed dwar Ġeħova u jsiru l-ħbieb tiegħu. (Dt 31:​12, 13) Jekk int ġenitur, kif tistaʼ tgħin lit-tifel jew lit-tifla tiegħek titgħallem iktar mil-laqgħat?

• Agħmel l-aħjar li tistaʼ biex tattendi l-laqgħat fis-Sala tas-Saltna.—Sa 22:22

• Ħalli biżżejjed ħin biex tkun mal-aħwa qabel u wara l-laqgħa fis-Sala tas-Saltna.—Eb 10:25

• Agħmel ċert li kull membru tal-familja jkollu kopja tal-pubblikazzjonijiet li qed jiġu studjati waqt il-laqgħa, kemm jekk b’mod diġitali jew stampata

• Għin lit-tifel jew lit-tifla biex tipprepara kumment fi kliemha.—Mt 21:​15, 16

• Tkellem b’mod pożittiv dwar il-laqgħat u dwar dak li nitgħallmu fihom

• Għin lit-tfal biex jieħdu sehem f’affarijiet oħra, bħal li jnaddfu s-Sala tas-Saltna u jitkellmu m’aħwa ikbar fl-età fil-kongregazzjoni

Biex tgħin lit-tfal isiru ħbieb taʼ Ġeħova jinvolvi ħafna xogħol, u jistaʼ anke jidher diffiċli wisq xi kultant. Imma tistaʼ tkun ċert li Ġeħova se jgħinek.—Is 40:29.

ARA L-VIDJOW ĠENITURI, STRIEĦU FUQ ĠEĦOVA U S-SAĦĦA TIEGĦU, U MBAGĦAD WIEĠEB IL-MISTOQSIJIET LI ĠEJJIN:

• L-għeja kif kienet qed taffettwa lil Zack u lil Leah?

  It-tweġiba tiegħek

• Il-ġenituri għala għandhom jistrieħu fuq Ġeħova għall-għajnuna?

  It-tweġiba tiegħek

• Zack u Leah b’liema modi straħu fuq Ġeħova biex jgħinhom?

  It-tweġiba tiegħek