VINO AWINA KLISTU WAZIPIZILE UKUWA
Mwe Wakwasi—Mwakwavwa Awana Winu Ukuwomvya Vino Leza Akuwasambilizya
Inzila yonga yino awakwasi wangavwilamo awana wawo ukuwa na mano yano yakafuma kwe Yehova, akupitila mukuwavwa ukuyitopwa pano wali pa kulongana. Vino awana wakalola, ukwivwa, nga na vino wakakwasukapo pano wali pakulongana, vikawavwa ukupalamila kwe Yehova nukuwa waciwuza wakwe awapalamisye. (Amasu. 31:12, 13) Nga cakuti mwe wakwasi, uzye mungavwa wuli awana winu ukusambililako pano wali pa kulongana?
-
Mwakwelezya na maka ukuzanwa mukulongana. —Amalu. 22:22
-
Mwawa ni mpindi yakuwomelezyanya na wanawitu na wankazi pa nga’nda ya wufumu, pano mutani mutalike ukulongana na pano mwamala.—Hebe. 10:25
-
Mwasinincizya ukuti wonsinyene mu lupwa lwinu wali ni buku lino mukusambililamo pa kulongana, ciwe alya pa foni nanti ilipulintwe.
-
Mwakwavwa awana winu ukupekanya ivyasuko mu mazwi yawo.—Mat. 21:15, 16
-
Mwalanda ivizima pa kulongana na pa vyewo vino tukasambilila nga twaya mukulongana
-
Mwawavwa ukulanda na wasongo wa mwi wungwe nga nukuwombako imilimo ponga ngati akupyela pa nga’nda ya wufumu
Pakwavwa awana winu ukupalamila kwe Yehova, pakapinda ukuwombesya swinya mpindi zimwi cingamitalila ukucita wo-o. Lelo nanti ciwe wo-o, mwasuwila ukuti e Yehova angamyavwa.—Ayize. 40:29.
TAMBANI E VIDYO YAKUTI MWE WAKWASI, MWASINTILILA PE YEHOVA, APANO MWASUKE AMAWUZYO YANO YAKONKAPO:
-
Avyani vino vyafumangamo nga cakuti e Zack ne Leah watonta?
-
Amulandu ci wuno awakwasi wazipizile ukusintilila pa kwavwa kwa kwe Yehova?
-
Anzila ci zimwi zino e Zack ne Leah walanjizizye ukuti wasintilizile pa kwavwa kwa kwe Yehova?
