ÑA̱ KÉʼÉYÓ NA̱ TESTIGO
Ndóʼó na̱ íyo se̱ʼe, na̱ va̱lí se̱ʼendó kivi xa̱a̱na kuumiína ña̱ ndíchi
Iin ña̱ kivi keʼéndó ña̱ va̱ʼa chindeétáʼandó xíʼin na̱ se̱ʼendó ña̱ kuumiína ña̱ ndíchi kúú, ña̱ sandákaʼándona ña̱ tá ku̱a̱ʼa̱nna reunión ku̱a̱ʼání ña̱ va̱ʼa kivi sakúaʼana. Ña̱ xíniso̱ʼona ti̱xin reunión, ña̱ xítona, xíʼin comentario ña̱ táxina, kivi chindeétáʼanña xíʼinna ña̱ viíka kutáʼanna xíʼin Jehová ta saátu ña̱ koona migora (Dt 31:12, 13). Soo, ¿ndáa ki̱ʼva chindeétáʼún xíʼin na̱ va̱lí se̱ʼún?
-
Chika̱a̱ ndee̱ ña̱ ku̱ʼún ndiʼi reunión (Sl 22:22).
-
Koto á nátúʼun na̱ va̱lí se̱ʼún xíʼin na̱ hermano tá kúma̱níka kixáʼa reunión á ta̱a̱ xa̱a̱ ndi̱ʼiña (Heb 10:25).
-
Koto ña̱ ndiʼi na̱ veʼún ná kuumiína tutu ña̱ káʼviyó ti̱xin reunión.
-
Chindeétáʼan xíʼin na̱ va̱lí se̱ʼún ña̱ taxina comentario xíʼin tu̱ʼun miína (Mt 21:15, 16).
-
Nina ña̱ va̱ʼa ka̱ʼún xa̱ʼa̱ reunión xíʼin ña̱ sákuaʼayó kán.
-
Ka̱ʼa̱n xíʼin na̱ va̱lí se̱ʼún ná chindeétáʼanna xíʼin na̱ hermano tá xa̱a̱ ndáya̱kunna salón, á ña̱ natúʼunna xíʼin na̱ hermano na̱ xa̱a̱ ku̱chée.
Yóʼó ta̱ íyo se̱ʼe, sana ndákanixi̱níún ña̱ ku̱a̱ʼání ña̱ʼa xíniñúʼu keʼún ña̱ va̱ʼa chindeétáʼún xíʼin se̱ʼún ña̱ kuyatinna nu̱ú Jehová. Soo, kǒo kaka-iniún ña̱ mií Jehová chindeétáʼan xíʼún ña̱ keʼún ña̱yóʼo (Is 40:29).
TÁNDI̱ʼI XI̱TONDÓ VIDEO ÑA̱ NANÍ NA̱ ÍYO SE̱ʼE, VA̱ÁSA KUNDI̱ʼI̱-ININDÓ, JEHOVÁ TAXI NDEE̱ NDAʼA̱NDÓ, NDAKUIINDÓ PREGUNTA YÓʼO:
-
¿Ndáaña kǒo níxikeʼéka ta̱ Miguel xíʼin ña̱ Lidia xa̱ʼa̱ ña̱ xi̱kunaánína?
-
¿Nda̱chun xíniñúʼu ka̱ʼa̱n na̱ íyo se̱ʼe xíʼin Jehová ña̱ taxira ndee̱ ndaʼa̱na?
-
¿Ndáaña ke̱ʼé ta̱ Miguel xíʼin ñá Lidia ña va̱ʼa kundaa-inina Jehová?
