ǀGui ǀgaub hînan ǁgûna ǁîn ǀgôana hui ǁkhāb ge, ǁîna huisa în ǃgâiba ǀhaohâb ǀhaode xu hō. ǂKhamkhoen ǀhaodi tawa mû, ǁnâu. Tsî ǁîn ǃereamdi ǃnâ ra mî xūn ge ǁîna a hui ǁkhā, în Jehovab xa ǁkhāǁkhāsen tsî ǁîb ǀgū ǀhōsa kai. (Deu. 31:12, 13) ǁGûdo mati sadu ǀgôana a hui ǁkhā, în ǀhaodi ain ra ǁkhāǁkhāsen xūna xu ǃgâiba hō?

• Dītsâ re î ǀhaode saali tawa hâǃnâ.—Psa. 22:22

• Dītsâ re î saali tawa ǂkhâǃnâs ǁaeba ǃgâsan ǀkha ūhâ, ǀhaos aiǃâ tsî ǀhaos khaoǃgâ.—Heb. 10:25

• Kōǃgâ re mâ omaris khoe-i hoa-i ǀhaos ǃnâ ra sîsenūhe ǂkhiniba ūhâsa

• Sadu ǀgôa-e hui re î-i ǃereamsa ǁî-i mîdi ǃnâ aiǂhumi.—Mat. 21:15, 16

• ǀHaodi xa ǃgâise ǃhoa re tsî ǀhaodi ai du ra hō daoǁgaudi xa

• Sadu ǀgôana hui re în saala ǃanus ǀkha hui. Tsî ǀhaohâb ǃnâ hâ kairan ǀkhas tsîna ǁgam

Kai sîsen-e i ge ǂhâhâ sadu ǀgôana huisa în Jehovaba ǀgū. Tsî ǁnās ge ǀnî ǁae a ǃgom ǁkhā. Xawe du ge Jehovab huib ai a ǂgomǃgâ ǁkhā.—Jes. 40:29.

ǁGÛDO, JEHOVAB TSÎ ǁÎB ǀGAIB AI ǂGOMǃGÂ RE, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:

• Tsauba mâ sîsenǂuiba Zacki tsî Leas ai ge ūhâ i?

  Sadu ǃereams

• Tae-i ǃaroman ǁgûna Jehovab ai ǀgaiba nî ǂgan?

  Sadu ǃereams

• Zacki tsî Leas tsîna mâ ǀgaugu ǃnâ Jehovab ai ge ǂgomaiǂnûi?

  Sadu ǃereams