Tlanechikoli uelis kinpaleuis inmokoneuaj ma kichiuakaj ipan ininnemilis tlen Jehová kipaktia. Tlen kiitasej, tlen kikakisej uan tlen kiijtosej kema tlanankilisej ipan tlanechikoli, kinpaleuis kuali ma kiixmatikaj Jehová uan ma mouampojchiuakaj iuaya (Dt 31:​12, 13). ¿Tlake uelis tijchiuas uan kiampa tikinpaleuis mokoneuaj?

• Xijchiua kampeka nochipa tias tlanechikoli (Sl 22:22).

• Xikinpaleui mokoneuaj ma itstokaj ininuaya toikniuaj kema ayamo peua tlanechikoli uan kema tlami (Heb 10:25).

• Xijchiua kampeka mochampoyouaj ma kipiakaj nopa pilamochtsitsij tlen timomachtiaj ipan tlanechikoli (uelis kipixtosej ipan amatl, ipan ininteléfono o inintableta).

• Xikinpaleui mokoneuaj ma tlanankilikaj san ika inintlajtol uan amo san ma kipojtiakaj (Mt 21:​15, 16).

• Nochipa xikijto kenijkatsa tlauel inmechpaleuia tlen inmomachtiaj ipan tlanechikoli.

• Xikinpaleui mokoneuaj ma tlapaleuikaj kema tlachpanaj ipan kali kampa timosentiliaj uan xikinpaleui ma kamanaltikaj ininuaya toikniuaj katli ya uejueyij.

Maske uelis kemantika timokuesoua pampa timoiljuia moneki tijchiuas miak tlamantli uan kiampa tikinpaleuis mokoneuaj ma mouampojchiuakaj iuaya Jehová, ximotemachi ya mitspaleuis (Is 40:29).

ACHTOUI XIKITA NOPA VIDEO TETAJMEJ, XIMOTEMACHIKAJ JEHOVÁ INMECHPALEUIS, UAN TEIPA XIJNANKILI NI TLAJTLANILI:

• ¿Tlake kinpanoyaya Miguel uan Lidia pampa tlauel siajtoyaj?

  Xikijkuilo tlen titlanankilis

• ¿Kenke tetajmej moneki kiiljuisej Jehová ma kinmaka chikaualistli?

  Xikijkuilo tlen titlanankilis

• ¿Tlake kichijkej Miguel uan Lidia uan kiampa kinextijkej motemachiaj ipan Jehová?

  Xikijkuilo tlen titlanankilis