Enye indlela enhle abazali abangancedisa ngayo abantwababo ukuthi bathole ukuhlakanipha kukaNkulunkulu yikubancedisa ukuthi bafunde okunengi emihlanganweni yobuKhristu. Lokho abantwana abakubonayo labakuzwayo kanye lezimpendulo zabo emihlanganweni kungabanceda ukuthi bafunde ngoJehova futhi babe ngabangane bakhe. (Dut 31:12, 13) Nxa ungumzali ungamncedisa njani umntanakho ukuthi afunde okunengi emihlanganweni?

• Yenza konke okusemandleni akho ukuthi ungalovi emihlanganweni yebandla.—Hu 22:22

• Zinike isikhathi sokuxoxa labafowethu labodadewethu imihlangano ingakaqalisi langemva kwayo.—Heb 10:25

• Woba leqiniso lokuthi umuntu ngamunye emulini ulawo amabhuku asetshenziswa emihlanganweni

• Ncedisa umntanakho ukuthi alungiselele ukuphendula ngamazwi akhe.—Mat 21:15, 16

• Khuluma kuhle ngemihlangano lalokho esikufunda kuyo

• Khuthaza abantwabakho ukuthi bancedise emisebenzini enjengokuklina iWolu yoMbuso futhi bakukhuthalele ukuxoxa labazalwane asebekhulile

Kungumsebenzi sibili ukuncedisa abantwabakho ukuthi basondele kuJehova futhi kwezinye izikhathi kungakuqeda amandla. Lanxa kunjalo, uJehova kasoze ayekele ukukuncedisa.—Isy 40:29.

BUKELANI IVIDIYO ETHI BAZALI, THEMBANI UJEHOVA LAMANDLA AKHE, BESELIPHENDULA IMIBUZO ELANDELAYO:

• Ukudinwa kwasekubaphambanisa njani abazali obabone kuvidiyo?

  Impendulo yakho

• Kungani kumele abazali bacele amandla kuJehova?

  Impendulo yakho

• Abazali obabone kuvidiyo batshengisa njani ukuthi babethembela kuJehova ukuthi abancedise?

  Impendulo yakho