Sambua lala fondrege zi sökhi nifalua zatua ba wanolo iraonora yaʼia daʼö latolo ndraonora ba wanöndra bua si sökhi na möi ira ba gangowuloa. Tola lafahaʼö ira iraono sanandrösa khö Yehowa ba fahuwu ira khönia yaʼia na lahaogö laʼosisiʼö lala halöwö nifalua ba gangowuloa ba labeʼe mbua gera-erara. (5Mo 31:​12, 13) Na yaʼugö samösa satua, hewisa wanolou iraonomö enaʼö oya latema mbua moroi ba gangowuloa?

• Forege weʼamöi ba nahia gangowuloa.—Si 22:22

• Oyakö ginötöu ba wariawösa khö ndra talifusöda fatua lö mubörögö mazui na no awai gangowuloa.—Heb 10:25

• Haogö tatugöi enaʼö fefu nösi nomou tola laʼokhögö publikasi nitutunö ba gangowuloa, he si so ba perangkat elektronik mazui tercetak

• Tolo ndraonomö ba wameʼe bua gera-erara samösa.—Mat 21:​15, 16

• Böi faʼema wehede sambö tefaudu sanandrösa ba gangowuloa hegöi fanuturu lala nifaʼema ba daʼö

• Dönisi dödö ndraonomö enaʼö fao ira ba wangehaogö Nahia Gangowuloa ba enaʼö fahuhuo ira khö ndra talifusöda si no alawa döfi

Sindruhu sa, abua wanolo iraono enaʼö lö tebulö fahuwu ira khö Yehowa ba itaria göi marase ndraʼugö. Hizaʼi, yafaduhu dödömö wa hasambalö itolo ndraʼugö Yehowa.—Yes 40:29.

FAIGI VIDEO YAʼAMI SATUA, MIʼODALIGÖ YEHOWA HEGÖI FAʼABÖLÖNIA, BA BEʼE WANEMA LI BA WANOFU-NOFU DAʼA:

• Börö me marase sibai Zack hegöi Leah, hadia lua-luania khöra?

  Fanema limö

• Hadia mbörö wa moguna khö ndra satua ba wangandrö faʼabölö khö Yehowa?

  Fanema limö

• Hewisa Zack hegöi Leah ba wangodaligöra Yehowa?

  Fanema limö