Enzira nguma eyuwene eyo ababuti banganakolesya abana babo batole eribya n’amenge w’oMungu ry’eribawatikya eribana endundi erilabira emihindano y’Ekikristo. Ebyo abana baghu bakalangira, n’ebyo bakowa, n’ebyo bakabugha bakasubirya oko mihindano byanganabawatikya eriminya bingyi oko Yehova n’eribya bira biwe. (Ebi 31:12, 13) Wamabya mubuti, wangawatikya uti omwana waghu eribana endundi nene oko mihindano?

• Uyikase kutsibu eribya ukahika oko mihindano oko Kisende ky’Obwami.​—Esy 22:22

• Ubye ukayikasa erisikya-mutima abandi embere kutse enyuma sy’omuhindano oko Kisenge ky’Obwami.​—Ebr 10:25

• Uyikase obuli mundu w’omo kihanda kyaghu abye n’ebitsapo ebyo tukakolesaya oko mihindano, eby’ekieletronike kutse eby’akaratasi.

• Uwatikaye omwana waghu eriteghekania ebisubiryo omo binywa biwe.​—Mt 21:15, 16

• Ubye ukabugha ndeke oko mihindano yetu n’oko ebyo tukigha kuyo

• Uwatikaye omwana waghu erisangira oko syokasi mbiriri-mbiriri esikakolawa oko Kisenge ky’Obwami, ng’erikola oko buyonzo, n’eribya akakania n’abandu abakulire ab’omo ndeko.

Eriwatikya abana baghu eribya bira ba Yehova kikasaba emyatsi mingyi, kandi kyanganakala oko mughulu mulebe. Aliwe uyiketere ngoko Yehova akendikuwatikya.​—Isa 40:29.

MUKWAME EVIDEO BABUTI, MUYIKETERE YEHOVA N’AKAGHALA KIWE, NERYO MUSUBIRAYE OKO MABULYO ANO:

• Ni myatsi yahi eyahikira Zack na Leah busana n’eriluha?

  Ekisubiryo kyaghu

• Busanaki litolere ababuti ibasaba Yehova abahe akaghala?

  Ekisubiryo kyaghu

• Zack na Leah mubayiketera obuwatikya bwa Yehova omo nzira syahi?

  Ekisubiryo kyaghu