Njila imozi yamene makolo angayavyilemo ŵana ŵao kupeza nzelu ya umulungu, ni mwa kuŵayavya kupindula na misonkhano yacikhristu. Zangaone, kumvwa na ndemanga zangapeleke zingaŵayavye kuphunzila zokhuza Yehova nonkhala ashamwali ŵake. (Deut 31:​12, 13) Ngati nimwe kolo, kansi mungayavye tyani mwana wanu kupindula na misonkhano?

• Mukocita khama kupezeka pa misonkhano mwacindunji kung’anda ya Ufumu.—Sal 22:22

• Mukonkhala na maceza olimbikisha pang’anda ya Ufumu misonkhano ikaliyoyamba olo ikasila.—Aheb 10:25

• Mukosimikizhyila kuti aliyense ali na kope ya cofalisa cuphunziliwa kaya ni copulintiwa olo ca pazipangizo

• Mukoyavya mwana wanu kukonzekela ndemanga m’mau ŵake ŵake.—Mat 21:​15, 16

• Mukokamba zabwino zokhuza misonkhano na malangizo yamwalandila

• Yavyani ŵana ŵanu kutolako mbali pa nchito yoyelesa pang’anda ya Ufumu notandala na acikulile mu mpingo

Kuyavya ŵana ŵanu kuvwendela pafupi na Yehova kufuna khama, ndipo nthawi ziyakine kungaoneke koŵeŵesha. Koma mungankhale osimikizhya kuti Yehova akuyavyeni.—Yes 40:29.

ONELELANI VIDYO YA MUTU WAKUTI MAKOLO MUKODALILA YEHOVA NA MPHAMVU ZAKE, NDIPO PAVULI PAKE YANKHANI MAKONSHO AŴA:

• Kansi Zack na Leah ekhuziwa tyani cifukwa coŵeŵa?

  Yankho yanu

• Ndaŵa yanji makolo ofunika kupemphela kwa Yehova kuti aŵapase mphamvu?

  Yankho yanu

• Kansi Zack na Leah eonesha kudalila Yehova kuti aŵayavye m’njila zotyani?

  Yankho yanu