Putyina ovohe vakwatesako vana vavo okukala nounongo utunda ku Huku, otyo tyikwatesako ovana okupola ouwa kweetyi tulongesiwa momaliongiyo. Putyina omona eiva etyi tyipopiwa momaliongiyo, nomakumbululo ovakwatate, tyipondola okumukwatesako okunoñgonoka vali nawa Siovaa, nokukala epanga liae. (Deut. 31:​12, 13) Ine ove ovana, oñgeni upondola okukwatesako ovana vove, okupola ouwa komaliongiyo?

• Enda apeho komaliongiyo wahalañge. — Sal. 22:22

• Apeho pameka vakwenyi tyina utomphola navo, putyina nkhele eliongiyo lihenehimbike natyina liamapu. — Heb. 10:25.

• Aveho mombunga yove, vakale nomikanda mavililongeswa meliongiyo, tyilinge motelefone ine o peke.

• Kwatesako omona wove okukumbulula momaliongiyo monondaka mbae mwene. — Mat. 21:​15, 16

• Popia ovipuka oviwa onthwe tulilongesa momaliongiyo.

• Kwatesako ovana ovove okuundapa movilinga vilingwa mondywo yomaliongiyo, okukomba-mo nokutomphola novakulu veli mewaneno.

• Opo ukwateseko ovana vove okukala noupanga wapama na Siovaa pena ovilinga, tupu tyesukisa omuvo omunyingi. Mahi kala nonthumbi yokuti Siovaa mekukwatesako. — Isa. 40:29.

HIKISA OVINDIU YATI: VOHE — SIOVAA MEMUAVELA ONONKHONO, OPULU OKUTI:

• Otyipuka patyi tyepwilisile vali ovo Zack na Leah?

  Ekumbululo

• Omokonda yatyi ovohe vesukisila okupameka oupanga wavo na Siovaa?

  Ekumbululo

• Oñgeni okuyumba onthumbi mu Siovaa tyakwatesako ovo Zack na Leah?

  Ekumbululo