Cinthu cakufunika kwene-kwene comwe abereki angaphatise basa kuti athandize wana wawo kudziwa bzomwe Mulungu ambafuna ndico kuwathandiza kuti ambagumane phindu na mitsonkhano. Bzomwe wana ambawona, kubva na kulewa pomwe akutawira bzingawathandize kuti adziwe bzinthu bzizinji pa kulewa bza Yahova. Ndipo bzingawathandizembo kuti akhale pa uxamwali na iye. (Deu 31:12, 13) Penu imwepo ndimwe m’bereki, kodi mungathandize tani mwana wanu kugumana phindu na bzomwe ambapfunza?

• Citani nyongo kuti mumbagumanike pa mitsonkhano yentse pa Nyumba ya Umambo. — Sl 22:22

• Mbakhalani na nthawe ya kumbaceza na abale na mpfumakazi pomwe mitsonkhano ikanati kuyamba na pomwe yamala. — Ahe 10:25

• Mbawonesesani kuti munthu ali-wentse pa banja panu ana revista yomwe ikupfunzidwa sumana imweyo; angakhale na revista yakucita kudinda ayai mu telefoni

• Thandizani wana wanu kuti ambatawire na mafala yawo-yawo. — Mat 21:15, 16

• Mbafotokozani phindu la mitsonkhano na bzinthu bzomwe mumbapfunza

• Mbathandizani wana wanu kuti ambacitembo mabasa ninga kupsaira mu Nyumba ya Umambo na kumbaceza na abale omwe mbakulu na iwo

Kuthandiza wana wanu kuti akhale axamwali wa Yahova ni basa likulu ndipo kungakhale kwakunetesa nthawe zinango. Tsono, dziwani kuti Yahova an’dzakuthandizani. — Zai 40:29.

ONANI VIDIYO YA MSOLO WAKUTI ABEREKI MBATHEMBANI MPHANVU ZA YAHOVA, MUKAMALA BVUNZANI ABVESERI KUTI:

• Kodi n’ciyani comwe Zack na Leah akhatazira kucita thangwe ra kuneta?

  Mtawiro wanu

• N’ciyani comwe abereki an’funika kucita akabva kuti adaneta?

  Mtawiro wanu

• Kodi Zack na Leah adalatiza tani kuti akhathemba Yahova kuti aniwathandiza?

  Mtawiro wanu