Injila yimo iyi abapapi babaghile ukubatulila abanabo ukuya na mahala gha Kyala ko kubatula ukuti akabalilo kosa baghiweghe pangomano syakipanga. Isi abakilumyana bikuketa, ukupilika kangi nukwamulapo sibaghile ukubatula ukumanyila isya Yehova nukuya nawe pabumanyani. (Kuk 31:12, 13) Linga muli bapapi, ngimba mubaghile ukubatula bulebule abaninu ukuti bamanyileghe nyingi pangomano?

• Mughelegheleghe ukwaghiwapo pangomano syakipanga ku Nyumba ya Bunyafyale.​—Sa 22:22

• Muyeghe na kabalilo akakwangala na bakamu na balumbu pa Nyumba ya Bunyafyale linga ingomano sikali ukwanda pamo linga simalike.—Hi 10:25

• Muketesyeghe ukuti aliwesa pambumba ali na mabuku agha tukubombela pakumanyila kungomano

• Muntuleghe umwaninu ukuti itendekesyeghe ukwamulapo mmasyu ghake na ghake.​—Mt 21:​15, 16

• Muyobeghe inunu isyakufwana ningomano kangi na isi tukumanyila

• Mubatuleghe abaninu ukweghapo ikighaba pakutendekesya pa Nyumba ya Bunyafyale nukuyobesania na bakamu na balumbu aba bakangele

Ukubatula abaninu ukuseghelela kwa Yehova kukaya kupepe loli munsubileghe Yehova ukuti ikuya pakubatula.​—Yes 40:29.

KETELELA IVIDIYO IYAKUTI MWE BAPAPI, MUNSUBILEGHE YEHOVA KANGI IKUYA PAKUBATULA KANGI UKUFUMA APO MWAMULE AMALALUSYO AGHAKUKONGAPO AGHA:

• Ngimba findu fiki fyampangisyagha Zack na Leah ukukatala

  Your answer

• Nongwa yafiki abapapi bikulondiwa ukunsuma Yehova ukuti abatule?

  Your answer

• Ngimba mo munjila siliku isi Zack na Leah banangisye ukuti bansubilagha Yehova ukuti ikuya pakubatula?

  Your answer