Izede owu rọ mai rhomu rẹ emiemọ ina ha userhumu rẹn emọ aye vwo ẹghwanren Osolobrugwẹ, yẹ ọrẹ aye ina sa aye erhumu mẹrẹn erere nẹ uyono ukoko. Oborẹ emọvwerhe e rhon ji mẹrẹn uvuẹn uyono kugbe ẹkpahenrhọ aye a haphia, ọ ha userhumu rẹn aye yono kpahen i Jehova ji rhiẹ obọdẹn ugbehian yen. (De 31:12, 13) Orhianẹ wẹwẹ ọmiọmọ, marhẹ wu ne ru ha userhumu rẹn ọmọ nọ mẹrẹn erere nẹ uyono ukoko?

• Rha damoma riẹ uyono ukoko uvuẹn Aghwẹlẹ Uvie.​—Ps 22:22

• Are i rha damoma lele imizu ghwọghọ ọke kugbe bọmọke uyono ọnọ ki tonrhọ yanghene orho fuen ne.​—Heb 10:25

• Jenẹ o mwuẹro taghene owuowọnwan uvuẹn ekrun na o vwo ẹbe re ne yono uvuẹn uyono ukoko, sẹ ọrọ ha ifonu yanghene ọre fomu phia

• Ha userhumu rẹn emọ enọ nẹ aye i mwuegbe ẹkpahenrhọ ji haye phia rhẹ ẹmro omobọ aye.​—Mt 21:15, 16

• Ta omamọ ẹmro kpahen iyono ukoko na ọrhẹ erere wa mẹrẹn nẹ aye sa

• Ha userhumu rẹn emọ enọ nẹ aye i rhe vwobọrhọ erufon Aghwẹlẹ Uvie ji lele imizu ri kpako ne tẹmro uvuẹn Aghwẹlẹ Uvie

Ra ha userhumu rẹn emọ tiẹkẹrẹ i Jehova ọ guọlọ omẹdamu omamọ, oma ọnọ ji sabu ghwọghuọ ọkezẹko. Ọrẹn, jenẹ o mwuẹro taghene i Jehova ọnọ ha userhumu wẹn.​—Isa 40:29.

NI IVIDIO NA EMIEMỌ, ARE I HẸROSO I JEHOVA ỌRHẸ OMẸGBANHUIẸN, ORHO RU GBA KPAHENRHỌ ENỌ ENANA:

• Marhẹ omẹghwọghọ ọ hobọte Zack ọrhẹ Leah lele?

  Ẹkpahenrhọ ọnọ

• Mesoriẹ o fo nẹ emiemọ i hẹroso i Jehova nọ yẹ aye omẹgbanhon?

  Ẹkpahenrhọ ọnọ

• Izede ego yi Zack ọrhẹ i Leah i ru hẹroso i Jehova nọ sa aye erhumu fikparobọ?

  Ẹkpahenrhọ ọnọ