BILAY NA KRISTIANO
Atateng—Tulongan Yo Iray Ananak Yon Nawalaan na Karunongan na Dios
Say sakey ya balibalin paraan pian natulongan na atateng iray ananak da ya nawalaan na karunongan na Dios et no tulongan da ran minabang ed saray Kristianon pantitipon. Makatulong iray nanengneng, narerengel, tan ikokomento na saray ananak ed saray aral pian makaaral ira nipaakar ed si Jehova tan magmaliw iran kaaro to. (De 31:12, 13) No sakey kan ateng, panon mon natulongan so anak mo pian talagan minabang ed saray aral?
-
Pansagpotan yoy miaral ya face-to-face.—Sal 22:22
-
Seguroen yo ya walay panaon yon makapitongtong ed saray agagi ed Kingdom Hall antis odino kayari aral pian napaseseg yo ra.—Heb 10:25
-
Seguroen yo ya kada membro na pamilya yo et walay kopya da na saray publikasyon ya aaralen, balanglan digital odino inimprinta
-
Tulongan yoy anak yo ya mangiparaan na komento to diad sarili ton salita.—Mat 21:15, 16
-
Dapat positibo iray ibabaga yo tungkol ed saray aral tan ed saray instruksion ya nanaawat tayo ditan
-
Tulongan iray ananak yo ya onsuporta ed saray kimey na kongregasyon singa say panlinis ed Kingdom Hall tan pitongtong ed saray maedad lan agagi
Kaukolan so pansagpot pian natulongan yo ray ananak yon onapit ed si Jehova, pero no maminsan et singa mairap itan ya gawaen. Balet makaseguro kayo ed tulong nen Jehova.—Isa 40:29.
BANTAYAN SO VIDEO YA ATATENG, MANMATALEK KAYO ED SI JEHOVA TAN ED BISKEG YA IITER TO, INSAN EBATAN IRAYAN TEPET:
-
Antoy epekto ed si Zack tan Leah nen lanang la ran nakekesawan?
-
Akin et kaukolan ya onkerew iray atateng na biskeg ed si Jehova?
-
Diad anto ran paraan ya nantiwala si Zack tan Leah ed tulong nen Jehova?
