Njira ibodzi yomwe azibereki angathandizire wana wawo kukhala na nzeru Zaumulungu, ni kuwathandiza kuphindula na misonkhano ya Chikhrisitu. Vomwe achilumbwana achabva na kuona pa midawiro yomwe muchapereka pa misonkhano vingawathandize kupfunzira va Yahova na kukhala shamwali wawo wa pamoyo. (De 31:12, 13) Peno imwepo ndimwe azibereki, ko mungathandize tani wana wanu kuti ambaphindule pa misonkhano?

• Yesesani kugumanika pa misonkhano kawirikawiri.—Sl 22:22

• Mbafikani mwakankulumize pa misonkhano kuti mumbakwanise kulimbikisana na abale misonkhano yakanati kuyamba na pomwe yamala.—Ahe 10:25

• Wonesesani kuti aliyese m’baja mwanu anacho chofalisa chomwe tinkupfunzira pa misonkhano peno m’pafoni panango chochita kudindiwa

• Thandizani wana wanu kukonzekera ndemanga mu m’mawu yawoyawo.—Mt 21:15, 16

• Fotokozani vinthu volimbikisa na malangizo yabwino yomwe mwatambira pa misonkhano

• Thandizani wana wanu kuphata nawo basa ya kusamalira Nyumba ya Ufumu na kucheza na abale na alongo wachikulire mu mpingu

Thandizani wana wanu kudziwa kuti kukhala pa ushamwali na Yahova ni basa ikulu, ndipo nthawe zinango vingaoneke ninge ni voshupa koma imwepo muchadekana kuthemba kuti Yahova adzakuthandizeni.—Yes 40:29.

NYANG’ANIRANI VIDIYO YAKUTI, ABEREKI, THEMBANI YAHOVA NA MPHANVU ZAKE, NDIPO IKAMALA DAWIRANI MIBVUNZO AYA:

• Ko kuneta kwa Zack na Leah kudakhudza tani ushamwali wawo na Yahova?

  M’dawiro wanu

• Ndawa chani azibereki achadekana kuthemba Yahova?

  M’dawiro wanu

• Ni mwanjira iponi momwe Zack na Leah adathembera Yahova kuti awadalise?

  M’dawiro wanu