Wanfala lo olketa best wei for parents savve helpem pikinini for kasem wisdom blo God, hem nao for helpem olketa for kasem gud samting from olketa meeting. Wat olketa young wan lukim, herem, and talem lo olketa koment blo olketa lo meeting, savve helpem olketa for lane abaotem Jehovah and fren gud witim hem. (De 31:12, 13) If iu wanfala dadi or mami, hao nao iu savve helpem pikinini blo iu for kasem gud samting from olketa meeting?

• Traem best for attendim olketa meeting lo Kingdom Hall.​—Ps 22:22

• Garem taem for associate and encouragem each other lo Kingdom Hall, bifor and bihaen lo olketa meeting.​—Heb 10:25

• Mek sure each famili member garem copy blo olketa pablikeson wea bae iumi studyim lo olketa meeting, maet digital or hard copy

• Helpem pikinini blo iu for preparem koment blo hem lo own toktok blo hem.​—Mt 21:15, 16

• Storyim olketa gud samting wea iu lanem lo olketa meeting and instruction wea iu kasem lo there

• Helpem pikinini for join insaed waka olsem for klinim Kingdom Hall and for story witim olketa olo brata and sista lo kongregeson

• For helpem pikinini blo iu for fren gud witim Jehovah hem big waka, and samfala taem hem no isi. Nomata olsem, iu savve trustim Jehovah for helpem iu.​—Isa 40:29.

WATCHIM VIDEO PARENTS MAS DEPEND LO JEHOVAH AND LO STRONG WEA HEM GIVIM, AND THEN ANSAREM OLKETA KWESTIN HIA:

• Hao nao wei wea Zack and Leah taed tumas hem affectim tufala?

  Ansa blo iu

• Why nao olketa parents shud depend lo strong wea kam from Jehovah?

  Ansa blo iu

• Hao nao Zack and Leah depend lo Jehovah for helpem tufala?

  Ansa blo iu