ماں پیو لئی اپنے بچیاں نُوں یہوواہ بارے سکھان دا سب توں ودھیا طریقہ ایہہ وے کہ اوہ اوہناں نُوں عبادتاں تے لے کے جان۔ عبادتاں تے جا کے بچے جو کجھ ویکھدے، سُن دے تے اپنے جواباں چ کہندے نیں اوہدے توں اوہ یہوواہ بارے بوہت کجھ سکھدے نیں تے اِنج اوہدے ہور نیڑے ہو جاندے نیں۔ (‏اِستثنا 31:‏12، 13‏)‏ جے تُسی وی اِک ماں یاں پیو او تے تُسی اپنے بچے دی مدد کیویں کر سکدے او تاکہ اوہ عبادتاں توں پوری طرحاں فائدہ حاصل کر سکے؟‏

• عبادت‌گاہ چ آ کے عبادت تے حاضر ہون دی پوری کوشش کرو۔—‏زبور 22:‏22‏۔‏

• عبادت توں پہلاں یاں بعد چ بھین بھراواں نال گل بات کرن لئی وقت ضرور کڈھو۔—‏عبرانیوں 10:‏25‏۔‏

• ایس گل دا وی دھیان رکھو کہ گھر دے ہر جی کول عبادت چ استمال ہون والے رسالے یاں کتاب دی ذاتی کاپی ہووے فیر بھانویں اوہ فون یاں ٹیبلٹ تے ہووے یاں فیر چھپی ہوئی ہووے۔‏

• اپنے بچے دی مدد کرو کہ اوہ عبادت چ اپنے لفظاں چ جواب دَوے۔—‏متی 21:‏15، 16‏۔‏

• تُسی عبادتاں تے جو کجھ وی سکھدے او اوہدے بارے کدی وی کوئی غلط گل نہ کرو۔‏

• اپنے بچیاں نُوں سکھاؤ کہ اوہ عبادت‌گاہ نُوں صاف کرن چ حصہ لین تے وڈیرے بھین بھراواں نال وی ضرور گل بات کرن۔‏

اپنے بچیاں دا یہوواہ نال رشتہ مضبوط رکھن لئی بڑی محنت کرنی پیندی اے تے کدی کدار اِنج کرنا مشکل وی ہو سکدا اے۔ پر یہوواہ دی مدد نال تُسی اِنج کر سکدے او۔—‏یسعیاہ 40:‏29‏۔‏

ویڈیو ‏”‏ماپیو،یہوواہ وَلّوں مِلن والی طاقت تے بھروسا رکھو‏“‏ نُوں ویکھو تے فیر ایہناں سوالاں دے جواب دَوو:‏

• ڈینئل تے اوہدی بیوی اُتے تھکاوٹ دا کیہہ اثر ہو رہیا سی؟‏

  باوج اڈاوت

• ماں پیو نُوں یہوواہ کولوں طاقت کیوں منگنی چاہی دی اے؟‏

  باوج اڈاوت

• ڈینئل تے اوہدی بیوی نے مدد لئی یہوواہ تے بھروسا کیویں کیتا؟‏

  باوج اڈاوت