TAN̈WATKIʼPSTAʼMIÑ JESÚS TAÑITYIJOM
Mijaatun̈tam, jeʼm immanɨktam wɨaptyim iniityyaj joodon̈oʼoyi
Tuum manera iga jeʼm immanɨktam iniityyajiñ joodon̈oʼoyi, jeʼ iga juchixkej nɨkyajiñ jeʼm an̈tuʼumaajiyaj. Jempɨk jeʼeyaj iaʼmyajpa, ikumaton̈yajpa y jeʼm kutson̈oʼoyiyaj chioyyajpaʼap jeem, iyooxpaʼtyajpa iga maaj ikunuʼkyajiñ Jehová y tsɨʼyyajiñ juʼuts iamigo (Dt 31:12, 13). Pero, ¿juutypɨk wɨap iñyooxpaʼt jeʼm immanɨktam iga maaj iwɨwadayyajiñ jeʼm an̈tuʼumaajiyaj?
-
Waatɨ juʼtspɨyam miwɨap iga miñɨguiñ jeʼm an̈tuʼumaajiyaj (Sl 22:22).
-
Aʼmchiɨʼ jeʼm immanɨktam iga muruyajiñ kun jeʼm tɨwɨtam wiñtyi iga tsukumpa jeʼm an̈tuʼumaaji o jesɨk kuyajpa (Heb 10:25).
-
Kɨʼpin̈ɨ iga ityumpɨy jeʼm iñfamilia iniityyajiñ jeʼm totjaayiyaj kɨʼpin̈tapaʼap jeʼm an̈tuʼumaajijom.
-
Yooxpaʼatɨ jeʼm immanɨktam iga ikutson̈yajiñ kun in̈matyiyaj jempɨk ikutɨʼɨyɨyñeyaj (Mt 21:15, 16).
-
An̈maatɨ juutypɨk tawɨwadaʼyba jeʼm an̈utuʼumaajiyaj y ityumpɨy jempɨk an̈kejtaap jeem.
-
An̈kejaʼayɨ jeʼm immanɨktam iga yooxpadoyyajiñ jesɨk akkuaʼytyaap jeʼm An̈tuʼumayoʼytyɨk y inimuruyajiñ jeʼm tɨwɨtam tsaamipɨkyaj.
Juʼuts mijaatun̈, wɨapsɨ iga mikobakpijpa in̈kujɨɨs jeʼm yooxakuy nasuntapaʼap iga iñyooxpaʼdyiñ tuum immaanɨk iga iwɨixpɨguiñ Jehová. Pero dyaʼ miity in̈kutyum, Jehová miyooxpaʼtpa (Is 40:29).
JESƗK YAJUM IÑAʼMTAʼM JEʼM VIDEO MIJAATUN̈TAM, KUPƗKTAʼAMƗ IGA JEHOVÁ MIYOOXPAʼTTAʼMPA, KUTSON̈TAʼAMƗ YƗʼPYAJ AKWAGOʼOYIYAJ:
-
¿Juutypɨk sɨʼ idyɨk imalwadayyaj Miguel y Lidia iga tsaam soʼpsneyajpa?
-
¿Tyiʼiga wɨɨ iga jeʼm jaatun̈yaj iwaʼgayyajiñ Jehová iga iyooxpaʼtyajiñ?
-
¿Tyi iwatyaj Miguel y Lidia iga Jehová iyooxpaʼtyajiñ?