NO VIDA KRISTON
Papes ku mames — Bo juda bo fijus pa e tene jiresa ku bin di Deus
Un di minjoris manera ku papes ku mames pudi juda se fijus tene jiresa ku bin di Deus, i atraves di juda elis benefisia di runions kriston. Kusas ku se fijus na oja ku ke na obi na runion, i ku kumentariu ke ta da pudi juda elis aprindi aserka di Jeova i tene un amisadi forti ku el. (Lei 31:12, 13) Si bu sedu pape o mame, kuma ku bu pudi juda bu fijus benefisia mas di runions?
-
Fasi sforsu garandi pa mati runion juntu ku ermons na Salon di Renu. — Sal 22:22
-
Pasa tempu ku bu ermons ku irmas antis o dipus di runion.— Eb 10:25
-
Sertifika pa kada membru di bu familia tene publikason ku na studadu na runion, i pudi sedu na papel o eletroniku.
-
Juda bu fijus pa e purpara un kumentariu na se propi palabras. — Mat 21:15, 16
-
Papia di manera pusitivu aserka di runions ku ke ku bo aprindi la.
-
Juda bu fijus pa e partisipa na atividadis suma limpa Salon di Renu i kombersa ku omis ku minjeris garandi di kongregason.
I ta iziẑi sforsu garandi pa juda bu fijus pa e pertusi mas di Jeova, utrora i pudi parsi di kuma i difisil. Ma, Jeova sta la pa judau. — Isa 40:29.
JUBI VIDEO SUMA PADIDURIS, BO KONFIA NA JEOVA I NA FORSA KI TA DA, I DIPUS RUSPUNDI ES PURGUNTAS:
-
Kuma ku kansera afeta Zack ku Leah?
-
Ke ku manda padiduris dibi di buska forsa na Jeova?
-
Di kal maneras ku Zack ku Leah konfia na Jeova pa sai ben?
