ALI CAWANAPAJ
Taytacuna wamrayquicunatapis yanapay yachaj cananpaj
Wamrayquicunaga Diospa ricayninpaj yachaj capäcunga reuniuncunaman pushaptiqui chaycho shumaj yachacäriptinmi. Ali shongulanwan lapanta chasquicäriptenga Jehovata respetapäcurmi paypitaga imaypis raquicäringachu (Dt 31:12, 13). Chauraga wamrayquicunata yanapänayquipäga caycunata ruranquiman:
-
Lapan reuniuncho caycänayquipaj jinan salunman aywanayquipaj calpachacuy (Sl 22:22).
-
Saluncho reuniuncuna manaraj galaycuptin o ushaptinna wamrayquicunata yachachiy maygan hermanulawanpis parlapacärinanpaj (Heb 10:25).
-
Familiayquichoga jucnin jucnincunami reuniuncho yachacunanpaj publicaciunnincuna canman, calpachacuy imalapis mana pishinanpaj.
-
Wamrayquicunata yanapay reuniuncunacho caycar quiquincuna tantiashganno comentarcunanpaj (Mt 21:15, 16).
-
Reuniuncho imacunapita yachacärishgayquipita cushi cushila parlacaramuy.
-
Wamrayquicunata yachachiy Diospa wasinta pichapacurcaycaptin yanapacunanpaj, jina mayor hermanucunawanpis parlapacärinanpaj.
• Wamrayoj caycarga capazchi sasaraj ticracurin wamrayquicuna Jehovata sirvinanpaj yanapänayquipaj. Pero ama gongaychu taytalanchi Jehovaga yanapayculäshunquimi (Is 40:29).
CAY VIDEUTA RICÄRIY: TAYTACUNA, JEHOVAMI CALPANTA GOYCULÄSHUNQUI. NIRCUR CAY TAPUCUYCUNAPITA PARLACAMUY:
-
¿Miguelwan Lidia alapa uticashga capäcushganraycur imataj rurarcaycargannachu?
-
¿Imanirtaj taytacunaga Jehovapa calpantaraj mañacärinman?
-
¿Imatataj Miguelwan Lidia rurapäcurgan Jehová Diosman yäracärishganraycur?