DIOSNINTSIKTA ALLI SIRWINAPAQ
Papäkuna, wamrëkikunapis yachaq këta puëdiyanmi
Wamrakuna Diospa rikëninchö alli yachaq kayänampaqqa reunionkunata alli provechayanqanmi yanapanqa. Tsëchö rikäyanqan, shumaq wiyakuyanqan y parlakuyanqanmi Jehoväta mas alli reqiyänampaq y mas amïgu kayänampaq yanapanqa (Dt 31:12, 13). Peru ¿imanötan wamrëkikunata yanapankiman reunionkunata mas alli provechayänampaq?
-
Llapan reunionkunaman ëwanëkipaq kallpachakuy (Sl 22:22).
-
Reunionkuna manaraq qallaptin o ushariptin wawqi panikunawan parlakuyänampaq wamrëkikunata yanapë (Heb 10:25).
-
Reunionchö yachakunapaq kaqkunata llapan familiëki katsinampaq kallpachakuy (celularchö, tabletchö o papelchö karpis).
-
Wamrëkikunata yanapë reunionkunachö entiendiyanqampita shumaq parlakuyänampaq (Mt 21:15, 16).
-
Reunionkunapaq, y tsëchö yachatsikayämunqankunapaq allita parlë.
-
Wamrëkikunata yanapë salonta limpiapakur yanapakuyänampaq y edäna wawqi panikunawan parlakuyänampaq.
Höraqa capaz alläpa yarpachakunki wamrëkikuna Jehoväwan amïgu kayänampaq imanö yanapanëkipaq kaqman pensar. Peru Jehoväqa yanapashunkim wamrëkikunata yanapanëkipaq (Is 40:29).
TEYTAKUNA, JEHOVÄMI YANAPAYÄSHUNKI NEQ VIDEUTA RIKÄRIR, KËKUNATA CONTESTË:
-
Miguelwan Lidiaqa, ¿imatataq rurëkäyarqantsu utishqa o ajayashqa karnin?
-
¿Imanirtan papäkunaqa Jehovä yanapëkunampaq mañakuyanman?
-
¿Imatataq Miguelwan Lidia rurayarqan Jehoväman mas confiakuyänampaq?